საქართველოს ბანკის, ვოლტის და Mastercard-ის ახალი სპეცშეთავაზება Student Card-ის მფლობელებს
საქართველოს ბანკი მომხმარებლის წახალისებას ინოვაციური და საინტერესო შეთავაზებებით განაგრძობს.
ამჯერად ბანკმა Mastercard-თან ერთად, სტუდენტური სემესტრის ფარგლებში, სტუდენტებს ვოლტის სპეცშეთავაზება მოუმზადა. დღეიდან, ვოლტის აპლიკაციით შეკვეთისას, Student Card-ის მფლობელები შეძლებენ დახარჯული თანხის 20% საკუთარ ანგარიშზე დაიბრუნონ.
აქციის ფარგლებში Student Card-ის მფლობელებს ასევე ეძლევათ შესაძლებლობა, მიიღონ 1-წლიანი ულიმიტო მიტანის სერვისი საჩუქრად. ამისთვის საჭიროა 1 კვირის განმავლობაში ვოლტითა და სტუდენტური Mastercard ბარათით ყველაზე მეტი შეკვეთა განახორციელონ და შედეგად, კვირაში 5, ხოლო კამპანიის ფარგლებში კი 20 გამარჯვებულ სტუდენტს შორის მოხვდნენ.
„ჩვენთვის მნიშვნელოვანია მომხმარებელს მათ სურველებსა და საჭიროებებზე მაქსიმალურად მორგებული სერვისები თუ პროდუქტები შევთავაზოთ. სწორედ ამიტომ შეიქმნა ერთობლივი აქცია სტუდენტებისთვის საქართველოს ბანკის, Mastercard-ისა და ვოლტის მხარდაჭერით. ამიერიდან, Student Card-ის მომხმარებლებს შეეძლებათ ვოლტის აპლიკაციაზე ნებისმიერი შენაძენის 20% უკან დაიბრუნონ. მადლობას ვუხდით ვოლტს და Mastercard-ს, რომლის ხელშეწყობითაც აქცია უფრო მასშტაბური გახდა“,- აცხადებენ საქართველოს ბანკში.
„მოხარული ვართ, რომ კიდევ ერთხელ მოგვეცა შესაძლებლობა, საქართველოს ბანკთან თანამშრომლობით სტუდენტებს მათთვის საინტერესო აქცია შევთავაზოთ. ჩვენი მიზანია უკონტაქტო გადახდის მეშვეობით მომხმარებელს კიდევ უფრო უსაფრთხო, სწრაფი და კომფორტული გამოცდილება შევუქმნათ. ჩვენ ვცდილობთ Mastercard-ის ბარათის მფლობელებს მუდმივად განახლებული და საინტერესო პირობები სწორედ მათ სურვილებზე მორგებულ ფორმატში წარვუდგინოთ“, - განმარტავენ Mastercard-ში.
აქცია ერთი თვის განმავლობაში, 21 ნოემბრამდე იქნება ძალაში.