კორონავირუსის შემთხვევების ზრდის გამო, იტალია ახალი შეზღუდვების დაწესებას გეგმავს

კორონავირუსის შემთხვევების ზრდის გამო იტალიის პრემიერ-მინისტრი ჯუზეპე კონტე ახალი შეზღუდვების დაწესებას გეგმავს.

ამის შესახებ მან მედიასთან საუბრისას განაცხადა.

პრემიერმა აღნიშნა, რომ ინფიცირების მაღალი რისკის მქონე რეგიონებში ღამის საათებში გადაადგილება შეიზღუდება.

„ჩვენ არ გვსურს ახალი შეზღუდვები მთელი ქვეყნის მასშტაბით დავაწესოთ. რეგულაციები გამკაცრდება იქ, სადაც ვირუსის შემთხვევები განსაკუთრებით მაღალია. ამავდროულად, მთელი ქვეყნის მასშტაბით დაიხურება მუზეუმები, გამოფენები და სავაჭრო ცენტრები“,-განაცხადა მან.

ბოლო მონაცემებით, იტალიაში კორნავირუსის 709 000-ზე მეტი შემთხვევა ფიქსირდება, ვირუსს 38 800 ადამიანი ემსხვერპლა.