დევნილებს მცირე და საშუალო ბიზნესის განსავითარებლად გრანტები გადაეცემათ
გერმანიის მთავრობის მიერ დაფინანსებული პროექტის ფარგლებში, დევნილებს მცირე და საშუალო ბიზნესის დასაწყებად ან განსავითარებლად გრანტები გადაეცემათ,- ამის შესახებ ინფორმაციას ჯანდაცვის სამინისტრო ავრცელებს.
უწყების ცნობით, მთელი საქართველოს მასშტაბით, წარმოების, გადამუშავებისა და მომსახურების სექტორში 100 დევნილი დაფინანსდება. თითოეული გრანტის ოდენობა 2000 ევროს შეადგენს. განაცხადების მიღება 10 ნოემბრამდე გაგრძელდება.
„საგრანტო კონკურსს ლტოლვილთა დანიის საბჭო ახორციელებს. განაცხადის ფორმის შევსება შესაძლებელია შემდეგ მისამართებზე: თბილისი, ჭავჭავაძის გამზირი N37დ და ზუგდიდი, 8 მარტის ქუჩა N1.
განაცხადის გაგზავნა ასევე შესაძლებელი ელექტრონული ფოსტის მისამართზე - geo-drc@drc.ngo“,-აღნიშნულია ინფორმაციაში.