წიწიბურა 76.63%, ნიორი 27.27% - Top-10 პროდუქტი, რომელიც ოქტომბერში ყველაზე მეტად გაძვირდა
საქსტატის მონაცემებით, 2020 წლის ოქტომბერში, წინა თვესთან შედარებით, საქართველოში ინფლაციის დონემ 0.8%, ხოლო წლიური ინფლაციის დონემ 3.8% შეადგინა.
რაც შეეხება საბაზო ინფლაციას, სტატისტიკის ეროვნული სამსახურის მიერ გამოქვეყნებული მონაცემებით, ამ მაჩვენებელმა 2020 წლის ოქტომბერში, გასული წლის შესაბამის პერიოდთან შედარებით, 5.4% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 5%-ით განისაზღვრა.
„ბიზნესპრესნიუსი“ გთავაზობთ 10 პროდუქტს, რომელიც ოქტომბერში წინა წლის ანალოგიურ პერიოდთან შედარებით გაძვირდა:
- წიწიბურა - 76.63%
- ნიორი 27.27.%
- ხმელი ლობიო - 26.75%
- მზესუმზირის ზეთი - 25.6%
- ბოსტნეულის კონსერვი 22.21%
- მანანის ბურღული 22.2%
- მწვანე ლობიო 21.1%
- თევზის კონსერვი 20.99%
- ნაყინი - 18.72%
- მაკარონი და მაკარონის ნაწარმი - 17.05%
