ნიდერლანდი, ირანი, თურქეთი - ქვეყნები, საიდანაც საქართველო ანანასს ყიდულობს
მიმდინარე წლის 9 თვეში (იანვარი-სექტემბერი), გასული წლის ანალოგიურ პერიოდთან შედარებით, ქვეყანაში ანანასის იმპორტი 24%-ით შემცირდა. კერძოდ, სტატისტიკის ეროვნული სამსახურის მონაცემებით, 2020 წლის იანვარ-სექტემბერში საქართველომ 518 ტონა (548 ათასი აშშ დოლარი) ანანასი შეიძინა, 2019 წლის ანალოგიურ პერიოდში კი, 682.4 ტონა (779.2 ათასი აშშ დოლარი).
რაც შეხება იმპორტიორებს, აღსანიშნავია, რომ მიმდინარე წელს შემცირებულია ამ ქვეყნების ჩამონათვალიც.
კერძოდ, 2019 წლის 9 თვეში საქართველომ ანანასი შემდეგი ქვეყნებიდან შემოიტანა:
- ნიდერლანდი - 607.4 ტონა (698.9 ათასი აშშ დოლარი)
- თურქეთი - 36.7 ტონა (25.1 ათასი აშშ დოლარი)
- ტაილანდი - 18.8 ტონა (36.1 ათასი აშშ დოლარი)
- კოსტა-რიკა - 19.3 ტონა (18.4 ათასი აშშ დოლარი)
- შრი-ლანკა - 0.1 ტონა (600 აშშ დოლარი)
ხოლო, 2020 წელს:
- ნიდერლანდი - 290.8 ტონა (378.0 ათასი აშშ დოლარი)
- თურქეთი - 205.5 ტონა (150.3 ათასი აშშ დოლარი)
- ირანი - 21.6 ტონა (19.5 ათასი აშშ დოლარი)
