საქართველოში კორონავირუსით კიდევ 33 პაციენტი გარდაიცვალა

"სამწუხაროდ, ბოლო 24 საათში გარდაიცვალა 33 ადამიანი”, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა ალექსანდრე ხოჯევანიშვილმა, მთავრობის ადმინისტრაციაში გამართულ ბრიფინგზე განაცხადა.

მისივე თქმით, გარდაცვალების 33 შემთხვევიდან 11 თბილისში დაფიქსირდა. „სამწუხაროდ, ბოლო 24 საათში გარდაიცვალა 33 ადამიანი, მათ შორის თბილისში - 11, აჭარაში - 11, იმერეთში - 7, ქვემო ქართლში - 1, გურიაში -1, ხოლო მცხეთა-მთიანეთში - 2 ადამიანი. 2020 წლის 26 თებერვლიდან დღემდე სულ გვაქვს 599 გარდაცვალების შემთხვევა’,-განაცხადა ხოჯევანიშვილმა.

ცნობისთვის, ბოლო 24 საათის განმავლობაში გამოვლენილია ინფიცირების 3 120 ახალი დადასტურებული შემთხვევა.