Apple, Amazon, Walmart -კომპანიები, რომლებიც უფრო მდიდრები არიან,  ვიდრე ქვეყნები

მეგა კომპანია Apple ბოლო მონაცემებით 2 ტრილიონი დოლარი ღირს. კოლოსალური ეკონომიკური კაპიტალით მან მსოფლიოს ორ უდიდეს ქვეყანას რუსეთსა და კანადას გადაასწრო.

რუსეთის მშპ 1,7 ტრილიონი დოლარია, რითიც მსოფლიოც ელექტრონულ გიგანტს კონკურენციას ნამდვილად ვერ უწევს.

1976 წელს, სტივ ჯობსის მიერ დაფუძნებულმა კომპანიამ, რომელიც MacBook– ებიდან დაწყებული, iPhone– ით დამთავრებული, გაყიდვებში მსოფლიო ლიდერია, პირველი ამერიკული კომპანიაა, რომელმაც საფონდო ბირჟაზე 2 ტრილიონი დოლარის ოდენობამდე მიაღწია.

ჩვენ მოვიძიეთ სხვა გლობალური გიგანტები, რომლებიც იმდენად გაიზარდნენ, რომ უფრო მდიდრები გახდნენ, ვიდრე მთლიანად აღებული ქვეყნები.

პირველი “ტვიტი“ (Twitter) 2006 წლის 21 მარტს გაიგზავნა. ათი წლის შემდეგ კომპანია, რომელმაც ჰეშთეგი მსოფლიო ტენდენციად აქცია, მსოფლიოში ერთ-ერთი ყველაზე ხშირად გამოყენებული სოციალური მედიის პლატფორმა გახდა. გასაკვირი არ არის, რომ დღეში დაახლოებით 500 მილიონი ტვიტის გაგზავნით, კომპანიის ღირებულება დაახლოებით 31 მილიარდი დოლარი გახდა.

31 მილიარდი დოლარი ორჯერ აღემატება აფრიკის დასავლეთ სანაპიროზე მდებარე ქვეყნის, ეკვატორული გვინეის მშპ-ს. მისი მოსახლეობა 1.3 მილიონზე ცოტა მეტს შეადგენს. იგი ერთ დროს აფრიკის ერთ-ერთი უმდიდრესი ქვეყანა იყო, მაგრამ კორუფციამ და ნავთობპროდუქტების შემოსავლის შემცირებამ ეკონომიკა გაანადგურა. ამჟამად ქვეყის მშპ 11 მილიარდ დოლარს შეადგენს.

ტელეკომუნიკაციების პროვაიდერს Vodafone- ს ამჟამად 625 მილიონი მობილური მომხმარებელი ჰყავს, რაც აშშ– ს მოსახლეობის თითქმის ორჯერ მეტია. Vodafone- ის ამჟამინდელი ღირებულება 41,8 მილიარდი დოლარია, რაც მას უფრო მდიდარს ხდის, ვიდრე ცენტრალურ აფრიკაში მდებარე სახელმწიფოს- გაბონს.

გაბონი აფრიკაში ეკონომიკის ძირითადი მწარმოებელია. მისი მშპ 16.7 მილიარდ დოლარს შეადგენს. მიუხედავად ნავთობის სიმდიდრისა, გაბონის 1.5 მილიონი მოსახლეობის მესამედი სიღარიბეში ცხოვრობს.

ავტომობილების ონლაინ სერვისებისა და გაზიარების პროგრამა Uber -ი მსოფლიოს 700-ზე მეტ ქალაქში და 63 ქვეყანაში მუშაობს. ამჟამად კომპანიის ღირებულება 52,39 მილიარდი დოლარია. კომპაიის კაპიტალი ბევრად აღემატება დასავლეთ აფრიკაში მდებარე ქვეყის, მალის ბიუჯეტს. მალიში 19 მილიონზე მეტი ადამიანი ცხოვრობს, მისი ეკონომიკა ეყრდნობა ორ მთავარ კომპონენტს: ოქროსა და ბამბის ექსპორტს. ქვეყის მთლიანი შიდა პროდუქტი 17.5 მილიარდ დოლარს შეადგეს.

ნავთობისა და გაზის კომპანია Royal Dutch Shell 70-ზე მეტ ქვეყანაში მუშაობს. ნავთობპროდუქტების ინდუსტრია ბოლო პერიოდში დაეცა. მოთხოვნის არარსებობის გამო, კორონავირუსმა ნავთობის ფასები ნულამდე დაწია. ამის მიუხედავად, Royal Dutch Shell ამჟამად 87.249 მილიარდი დოლარი ღირს, რაც მას უფრო მდიდარს ხდის ვიდრე აფრიკაში არსებულ ყველაზე დიდ დასახლებას - კონგოს დემოკრატიულ რესპუბლიკას. რესპუბლიკის მოსახლეობა 84 მილიონზე მეტია, თუმცა მსოფლიო ბანკის მონაცემებით, 2018 წელს ადამიანთა 72% უკიდურეს სიღარიბეში ცხოვრობდა. ქვეყანა მნიშვნელოვნად არის დამოკიდებული ნავთობის ექსპორტზე 47,3 მილიარდი აშშ დოლარის მშპ-ით.

Wall Street Journal– ის თანახმად, აშშ – ში Mcdonald’s-ის გაყიდვებმა, პანდემიის შემდეგ ძველ ნიშნულთან დაბრუნება უკვე დაიწყო. ამჟამად კომპანიის ღირებულებაა 155.9 მილიარდი დოლარი, რაც მას კუბაზე მდიდარ ბიზნეს სტრუქტურად აქცევს. 1996 წლიდან მოყოლებული, კუბის მშპ ყოველწლიურად იზრდება და 2019 წელს 100 მილიარდ დოლარს მიაღწია.

ნავთობისა და გაზის კორპორაცია Mobil-ი 1999 წლის ბოლოს ტეხასში ჯონ როკფელერმა დააარსა. კომპანია, რომელიც ეძებს ბუნებრივ გაზსა და ნავთობს მთელ ექვს კონტინენტზე, 71,000 თამაშრომლით გამოირჩევა. მისი ღირებულება 177,4 მილიარდი დოლარს შეადგენს. რაოდე გასაკვირიც არ უნდა იყოს, კომპანია უფრო მდიდარია, ვიდრე ჩრდილოეთ აფრიკაში მდებარე ქვეყაა- მაროკო.

მაროკოს ეკონომიკა ძირითდად ტურიზმზე, სოფლის მეურნეობაზე და მინერალების მოპოვებაზეა დამოკიდებული. ქვეყნის მშპ არის 118,7 მილიარდი დოლარი.

სამხრეთ კორეაში დაარსებულმა ტექნიკურმა კომპანიამ Samsung Electronics-მა გასულ წელს 206 მილიარდი დოლარის შემოსავალი მიიღო და ამჟამად 311,4 მილიარდი დოლარი ღირს. ეს მონაცემები მას უნგრეთზე მდიდარს ხდის. 9.773 მილიონი მოსახლეობით, ბოლო წლებში უნგრეთის მშპ გაიზარდა და 160,967 მილიარდ დოლარს შეადგენს.

კვებისა და სასმელების კომპანია Nestlé აწარმოებს ისეთ პროდუქტებს, როგორიცაა KitKat, Cheerios, Milo და ა.შ. კომპანიას 291,000 თანამშრომელი ჰყავს და პროდუქციას 187 ქვეყანაში ყიდის. ამჟამად ის 345,97 მილიარდი დოლარი ღირს.

Nestlé უფრო მდიდარია, ვიდრე პორტუგალია. ქვეყანას დივერსიფიცირებული და მეტწილად მომსახურებაზე დაფუძნებული ეკონომიკა აქვს. მისი მშპ 237,7 მილიარდი დოლარია. ამასთან, პორტუგალიის ეკონომიკა 2020 წელს კორონავირუსის გამო 7% -ით შემცირდა.

საცალო ვაჭრობის ლიდერი Walmart-ი მსოფლიოს ყველაზე ძლიერ კომპანიად მიიჩნევა. კომპანია 1962 წელს, არკანზას შტატში დაარსდა და საცალო, საბითუმო ვაჭრობის ლიდერი მალე გახდა. კომპანიას 2.2 მილიონი თანამშრომელი ჰყავს და 28 ქვეყანაში 11 500 მაღაზიას ამუშავებს. ამჟამად კომპანიის ღირებულება 374,98 მილიარდი დოლარია, რაც ბევრად მეტია სკანდინავიის ქვეყნებზე. სკანდინავიის ვანხევარკუძულზე და სხვადასხვა კუნძულებზე მოსახლეობის რაოდენობა 5,8 მილიონზე მეტია. დანიის მშპ 348 მილიარდი დოლარია, რაც ნიშნავს, რომ Walmart– ზე ნაკლები ღირს.

2004 წელს დაარსებულ სოციალური ქსელს Facebook -ს, რომელიც კალიფორნიაში მდებარეობს, ახლა 2,7 მილიარდზე მეტი აქტიური მომხმარებელი ჰყავს და მთელ მსოფლიოში 52,534 თანამშრომელს ამუშავებს. დღეს უკვე მილიარდერი მარკ ცუკერბერგის მიერ დაფუძნებული კომპანია 743,9 მილიარდი დოლარი ღირს, რაც სოც, ქსელს უფრო მდიდარს ხდის, ვიდრე ავსტრიას.

ავსტრიის ეკონომიკა ცნობილია სტაბილურობით და მას მხარს უმაგრებს ძლიერი საბანკო სისტემა. ქვეყნის მშპ 446,3 მილიარდი დოლარია. ამის მიუხედავად, ის მაინც ჩამორჩება Facebook- ს.

Microsoft Office– ს მსოფლიოში მინიმუმ 1,2 მილიარდი მომხმარებელი ჰყავს. 2019 წელის Microsoft– ის წლიურმა შემოსავალმა 125 მილიარდ დოლარს მიაღწია.

ბილ გეითსისა და გარდაცვლილი პოლ ალენის იდეის ხორცშესხმა 1975 წელს, ავტოფარეხიდან დაიწყო. დღეს კი მაგრამ ახლა მისი ღირებულება 1,587 ტრილიონი დოლარია, რაც უფრო მდიდარია ვიდრე მექსიკის მშპ. ეგზოტიკური ქვეყნის მთლიანმა შიდა პროდუქტმა 2019 წელს 1,258 ტრილიონი დოლარი შეადგინა. ჩრდილოეთ ამერიკის ამ გამორჩეულ ქვეყანაში 126 მილიონზე მეტი მოსახლე ცხოვრობს.

ონლაინ ბაზრის, Amazon-ის დამფუძებელს ჯეფ ბეზოსს პანდემიის დროს სწორად გათვლილმა ნაბიჯებმა ასმაგი მოგება მისცა. ამჟამად კომპანიის ფასი 1,65 ტრილიონი დოლარია.

ეს კომპანიას ავსტრალიაზე მდიდარს ხდის. ავსტრალიის მშპ 1,39 ტრილიონ დოლარს შეადგენს. მიუხედავად იმისა, რომ ავსტრალიაში ძლიერი ეკონომიკა აქვს, მცირე მონაცემებით ამაზონს მაინც ასწრებს მას.

თეონა რამაზაშვილი