ილონ მასკი მსოფლიოს უმდიდრეს ადამიანთა სიაში მეორე ადგილზეა - როგორ გამოიყურება Top-10
Tesla-ს თანადამფუძნებელმა ილონ მასკმა სიმდიდრით ბილ გეითს გადაუსწრო და მსოფლიოს უმდიდრეს ადამიანთა სიაში მეორე ადგილი დაიკავა, - ამის შესახებ ინფორმაციას Bloomberg-ი ავრცელებს.
გამოცემის ცნობით, 49 წლის მეწარმის ქონება წელს 100.3 მილიარდი დოლარით, 128 მილიარდ აშშ დოლარამდე გაიზარდა, რაც „ბლუმბერგის მილიარდერების ინდექსში“ რეკორდული ზრდაა. რაც შეეხება კომპანია Microsoft-ის თანადამფუძნებელს, ბილ გეითსს, მისი ქონება ამ დროისთვის 127.7 მილიარდ დოლარს შეადგენს.
Bloomberg-ის რეიტინგში ლიდერი კვლავ Amazon-ის დამფუძნებელი ჯეფ ბეზოსია.
გთავაზობთ Bloomberg-ის უახლეს მონაცემებს:
- ჯეფ ბეზოსი - 182 მლრდ დოლარი
- ილონ მასკი - 128 მლრდ დოლარი
- ბილ გეითსი - 127,7 მლრდ დოლარი
- ბერნარ არნო - 105 მლრდ დოლარი
- მარკ ცუკერბერგი - 102 მლრდ დოლარი
- უორენ ბაფეტი - 86,8 მლრდ დოლარი
- ლარი პეიჯი - 81,3 მლრდ დოლარი
- სერგეი ბრინი - 78,7 მლრდ დოლარი
- სტივ ბოლმერი - 76,1 მლრდ დოლარი
- მუკეშ ამბანი - 74 მლრდ დოლარი