ეკატერინე ტიკარაძე - ჩვენი მიზანია, არ დაველოდოთ პიკს და მოვახდინოთ პიკის დროული შეჩერება
ჯანდაცვის მინისტრის ეკატერინე ტიკარაძის განცხადებით, მთავრობა, საქართველოში, პანდემიის მოსალოდნელი პიკის თავიდან ასაცილებლად გარკვეულ ღონისძიებებს გეგმავს. ამის შესახებ მან უწყებათაშორისი საკოორდინაციო საბჭოს სხდომის დასრულების შემდეგ განაცხადა.
"პიკთან დაკავშირებით ჩვენ ვგეგმავთ გარკვეულ ღონისძიებებს. მთავრობა გადის გარკვეულ კონსულატაციებს შეზღუდვებთან დაკავშირებით. აქედან გამომდინარე, ჩვენი მიზანია, არ დაველოდოთ პიკს და მოვახდინოთ პიკის დროული შეჩერება, იმისთვის, რომ ამან საშუალება მისცეს სამედიცინო სექტორს მის ჩვეულ რეჟიმში განაგრძოს მუშაობა", - განაცხადა ტიკარაძემ.