Moderna კოვიდ 19-ის საწინააღმდეგო ვაქცინის დამტკიცების თხოვნით როგორც აშშ-ის, ასევე ევროკავშირის შესაბამის სამსახურებს მიმართავს
ამერიკული ბიოტექნოლოგიური კომპანია Moderna, მის მიერ შექმნილი კორონავირუსის საწინააღმდეგო პოტენციური ვაქცინის დამტკიცების მიზნით ამერიკის სურსათისა და მედიკამენტების ადმინისტრაციასა და ევროპის წამლის სააგენტოში დღეს განაცხადების შეტანას აპირებს, - ამის შესახებ ინფორმაციას „ევრონიუსი“ ავრცელებს.
„პირველადი დადებითი ანალიზი ადასტურებს ჩვენი ვაქცინის შესაძლებლობას, აღკვეთოს კოვიდ 19-ით დაინფიცირება 94.1%-იანი ეფექტურობით და რაც მთავარია, მოახდინოს კორონავირუსის მძიმე ფორმის პრევენცია, - განაცხადა Moderna- ს აღმასრულებელმა დირექტორმა სტეფან ბანცელმა.
აღსანიშნავია, რომ Moderna-მ და ევროკომისიამ მიაღწიეს შეთანხმებას პირველ ეტაპზე ვაქცინის 80 მილიონი დოზის მიწოდების შესახებ. შეთანხმების თანახმად, ევროკავშირს ექნება შესაძლებლობა, აღნიშნული რაოდენობა საბოლოოდ 160 მილიონ დოზამდე გაზარდოს.