YouTube-მა 2020 წლის ყველაზე პოპულარული რეკლამების ათეული დაასახელა

ვიდეოპორტალმა YouTube მის პლატფორმაზე ყველაზე პოპულარული სარეკლამო ვიდეორგოლების 2020 წლის რეიტინგი წარადგინა. როგორც Adweek წერს, ეს რეიტინგი გვიჩვენებს იმას, თუ რამდენად შეიცვალა მსოფლიო და რამდენად სწრაფად მოახდინეს ადაპტირება ამ ცვლილებებისადმი კომპანიებმა.

რეიტინგში პირველ ადგილზე გავიდა Nike-ის რეკლამა კამპანიით Never Too Far Down, რომელმაც ყველაზე მეტი, 118 მილიონამდე ნახვა დააგროვა, მასში საუბარია ლებრონ ჯეიმსზე, სერენა ვილიამსზე და ტაიგერ ვუდსზე.

მეორე ადგილზეა Google-ის რეკლამა ამერიკის სუპერთასისთვის. მასში ასაკოვანი კაცი იხსენებს მის გარდაცვლილ მეუღლეს და Google-ის ასისტენტს უყვება, თუ როგორი სასიამოვნო დეტალები უნდა დაიმახსოვროს მან.

სამეულში მოხვდა Hyundai-ის რეკლამა, რომელშიც გადაიღეს მსახიობები ქრის ევანსი, ჯონ კრასინსკი და რეიჩელ დრეტჩი. იუმორისტულ რგოლში საუბარია ავტომატური პარკინგის ახალ ფუნქციაზე.

პლატფორმის ინფორმაციით, ტოპში მყოფმა ვიდეოებმა მილიონზე მეტი ლაიქი მოაგროვეს და მათგან 714 ათასი მოვიდა მოკლემეტრაჟიან რეკლამაზე თამაშისთვის Clash of Clans. ამასთან, ათეულიდან 5 ვიდეო გადაღებულია სპეციალურად ამერიკული სუპერთასის ფინალისთვის.

Apple-ის რეკლამა სახლიდან მუშაობაზე კი გახდა ერთადერთი რეკლამა, რომელიც პანდემიის თემას ეხებოდა. ამასთან, პირველი ორი ვიდეო იყო ემოციური და შთამაგონებელი, ხოლო დანარჩენი 8 - კომედიური.

2020 წლის რეკლამების ტოპ-10 ასე გამიყურება:

  • Nike, Never Too Far Down | You Can’t Stop Us - 117,7 მლნ ნახვა
  • Google, Loretta | Google Super Bowl Commercial 2020 - 62,4 მლნ ნახვა
  • Hyundai, Smaht Pahk | 2020 Hyundai Sonata - 44,3 მლნ ნახვა
  • Clash of Clans, LOST & CROWNED | A Clash Short Film - 43,2 მლნ ნახვა
  • TurboTax, TurboTax 2020 Super Bowl Commercial „All People Are Tax People Remix“ - 33,9 მლნ ნახვა
  • Apple, The whole working-from-home thing - 28,9 მლნ ნახვა
  • ნაციონალური საფეხბურთო ლიგა, NEXT 100 || NFL Super Bowl LIV Commercial, - 24,3 მლნ ნახვა
  • Geico, Aunt Infestation - 20,4 მლნ ნახვა
  • GMC, First Ever GMC HUMMER EV - «Horsepower», 9,7 მლნ ნახვა
  • Michelob Ultra, Jimmy Works It Out | Michelob ULTRA | Super Bowl LIV - 8,8 მლნ ნახვა
კოკა კვირკველია