ბექა ფერაძის განცხადებით, 28 ნოემბრიდან 7 დეკემბრამდე პერიოდში ეკონომიკური საქმიანობა 6 152 ობიექტს შეუჩერდა
შრომის პირობების ინსპექტირების დეპარტამენტის უფროსის, ბექა ფერაძის განცხადებით, 28 ნოემბრიდან 7 დეკემბრამდე პერიოდში ეკონომიკური საქმიანობა 6 152 ობიექტს შეუჩერდა.
როგორც მან მთავრობის ადმინისტრაციაში გამართულ ბრიფინგზე აღნიშნა, ამავე პერიოდში გაცემულია 19 000-ზე მეტი გაფრთხილება.
„7 დეკემბრის მონაცემებით, საზედამხედველო უწყებების მიერ შემოწმდა ობიექტები და გაიცა 423 ზეპირსიტყვიერი გაფრთხილება, საქმიანობა 180 ობიექტს შეუჩერდა. ამასთან, გრძელდება რემონიტორინგი, გუშინ 192 ობიექტი შემოწმდა ხელახლა და დადგინდა, რომ სრულად აკმაყოფილებდნენ მოთხოვნებს.
ამასთან, 2020 წლის 28 ნოემბრიდან 7 დეკემბრამდე პერიოდისთვის არსებული მონაცემებით, ჯამში 25 121 ობიექტი შემოწმდა, დაჯარიმდა - 10, საქმიანობა შეუჩერდა 6 152-ს, 19 000-ზე მეტი გაფრთხილებაა გაცემული“, - განაცხადა ბექა ფერაძემ.