„ვოლვო ქარსი“ ელექტრო ძრავების წარმოებას იწყებს

შვედეთში, „ვოლვო ქარსი“ თავისი ძალური აგრეგატების ქარხანაში ელექტრო ძრავებს ააწყობს. როგორც „თეგეთა მოტორსიდან“ იუწყებიან, კომპანია გეგმავს ელექტრო ძრავების სრულად საკუთარი ძალებით წარმოებას და ამ მიზნით 700 მილიონი შვედური კრონის ინვესტირებას განახორციელებს.

„ვოლვო ქარს“ მოტივირებულია გახდეს პრემიუმ ელექტრო ავტომობილების მწარმოებელი კომპანია და მიზნად ისახავს 2025 წლისთვის, მისი მთლიანი გაყიდვების 50% შეადგენდეს სრულად ელექტრო ავტომობილებს, ხოლო დანარჩენი ჰიბრიდულ ავტომობილებს. შოვდეს ქარხანა, 1927 წელს კომპანიის დაფუძნების დღიდან მოყოლებული, „ვოლვო ქარსის“ ისტორიის ნაწილია. ქარხნის საქმიანობისთვის ელექტრო ძრავის წარმოების დამატება ნიშნავს, რომ შოვდეს ისტორიული ქარხანა მომავალშიც კომპანიის განუყოფელი ნაწილი იქნება. მიმდინარე წლის დასაწყისში „ვოლვო ქარსმა“ გააკეთა განცხადება, რომ მნიშვნელოვან ინვესტიციებს ახორციელებს საკუთარი ძალებით ელექტრო ძრავების შექმნასა და განვითარებაში ვოლვოს ავტომობილების მომავალი თაობებისთვის. შოვდეს ქარხანაში დაგეგმილი ინვესტიციების განხორციელებით კომპანია პირველ ნაბიჯებს დგამს ელექტრო ძრავის საკუთარი ძალებით აწყობისა და წარმოების მიმართულებით“, - აღნიშნავენ კომპანიაში.

როგორც „ვოლვო ქარსის“ ვიცე-პრეზიდენტმა ხავიერ ვარელამ განაცხადა, მაღალკვალიფიცირებული გუნდი მოტივირებულია უმაღლესი ხარისხის სტანდარტების შექმნაზე.

„1927 წელს გამოშვებულ პირველ ვოლვოს, შოვდეს ქარხანაში შექმნილი ძრავი ჰქონდა. ჩვენი მაღალკვალიფიცირებული გუნდი მოტივირებულია უმაღლესი ხარისხის სტანდარტების შექმნაზე, შესაბამისად, მართებულია ის ფაქტი, რომ ჩვენს მიერ შექმნილი ელექტრო ძრავები, ვოლვოს ბრწყინვალე მომავლის ნაწილი გახდება“, - განაცხადა ხავიერ ვარელამ.

მათივე ცნობით, ელექტრო ძრავების წარმოებისა და განვითარების საკუთარი ძალებით განხორციელება, „ვოლვო ქარსის“ ინჟინრებს ელექტრო ძრავების და მთლიანად ელექტრო ტრანსმისიის სამომავლო ოპტიმიზაციის შესაძლებლობას მისცემს ვოლვოს ახალ ავტომობილებში. ასევე, ამ მიდგომით კომპანია შეძლებს სამომავლო სარგებელი ნახოს ენერგოეფექტურობისა და სრული ფუნქციონირების თვალსაზრისით. ამასთან, როგორც კომპანიაში აცხადებენ, შოვდეს ძრავის ქარხნის ის მიმართულებები, რომლებიც შიდა წვის ძრავების წარმოებაზეა ფოკუსირებული, „ვოლვო ქარსის“ შვილობილ კომპანიას „Powertrain Engineering Sweden-ს (PES)“ გადაეცემა.