ამირან გამყრელიძე - ყველა ინიდიკატორი მიუთითებს, რომ ქვეყანაში ინიფიცირების მაჩვენებელი მცირდება

ყველა ინიდიკატორი მიუთითებს, რომ ინიფიცირება ქვეყანაში მცირდება, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ მთავრობის ადმინისტრაციაში, საკოორდინაციო სხდომის დასრულების შემდეგ განაცხადა.

მისივე თქმით, დღეისათვის საქართველო ინფიცირების მაჩვენებლით ევროპაში დაახლოებით მე-8 ადგილზეა, მსოფლიოში კი -12-ზე.

„ბოლო ერთი თვის განმავლობაში, განსაკუთრებით ბოლო 2 კვირაში უკვე აღინიშნება ინფიცირების მაჩვენებლის კლება ქვეყანაში. ყველა მაჩვენებლით, ყველა ინდიკატორით, რომელიც დაკავშირებულია 7-დღიან საშუალო ინციდენტობასთან , 14-დღიან კუმულაციურ ინციდენტობასთან, ყველა მაჩვენებელი უკვე ქვემოთ არის წამოსული. მრუდს რომ შეხედავთ ქვეყანაში ახალი შემთხვევების განვითარების და გადაიყვანთ მას ასი ათას მოსახლეზე, ნახავთ, რომ ჩვენ უკვე ქვემოთ მოვდივართ.

თუ ჩვენ დეკემბრის დასაწყისში ახალი შემთხვევების რაოდებით პირველ ადგილზე ვიყავით ევროპაში და ზოგიერთ მომენტში მსოფლიოშიც, ახლა ევროპაში ვართ სადღაც მერვე ადგილზე, მსოფლიოში სადღაც მე-12 ადგილზე, ანუ ეს მაჩვენებელიც მცირდება, ისევე როგორც კუმულაციური სიკვდილიანობის მაჩვენებელი. სიკვდილიანობის მაჩვენებელი გვაქვს როგორც მოგეხსენებათ, 1% ქვეყანაში და გამოჯანმრთელებულთა მაჩვენებელი არის საკმაოდ კარგი - 92%. ასევე შემცირებულია ე.წ. აქტიური ინფიცირებულთა რაოდენობა 13 386. გახსოვთ დეკემბრის დასაწყისში და შემდგომაც 10 დღის განმავლობაში ჩვენ გვქონდა შემთხვევები, როცა ერთდროულად გვყავდა აქტიური ინიფიცირებული 25 000-27 000 ქვეყანაში,“- განაცხადა გამყრელიძემ.

მისივე თქმით, იკლებს ასევე ჩატარებული ტესტირებიდან დადებითი პასუხების რაოდენობაც, ისევე როგორც ზოგადად კოვიდთან დაკავშრებით მიმართვიანობა.

„მნიშვნელოვანი მაჩვენებელია, რომ ინფიცირების დადებითობის პროცენტი ქვეყანაში იკლებს. ჩვენ თუ დეკემბრის პირველი 5 დღის საშუალო მაჩვენებელი დადებითობის გვქონდა 28-29% პროცენტი, დღეს ის ჩამოსულია 13.5% პროცენტზე. განახევრებულია. ყველა ერთად ეს ინიდიკატორი მიუთითებს, რომ ინიფიცირება ქვეყანაში მცირდება. ასევე თუ შეადრებთ ზარებს ცხელ ხაზზე და 112-ზე, ნახავთ, რომ ნაკლები მიმართვიანობაა კოვიდის გამო და ნაკლები მიმართვიანობაა ასევე პოლიკლინიკებში ტესტირებისთვის. ეს მიუთითებს, რომ ოდნავ სიტუაცია მშვიდდება ქვეყანაში, მაგრამ ეს არავითარი დამშვიდების საფუძველს ჩვენ არ გვაძლევს, რადგან რეგულაციებს თუ არ დავიცავთ, სიტუაცია შეიძლება ყოველ წუთს გამწვავდეს,“ - განაცხადა გამყრელიძემ.