ბიტკოინის ფასმა 37 ათას დოლარს გადააჭარბა
CoinDesk-ის ინფორმაციით, კრიპტოვალუტების ბირჟაზე მსოფლიოში ყველაზე ძვირად ღირებული ციფრული ვალუტის ფასი მორიგ ჯერზე გაიზარდა და 37,168 დოლარი შეადგინა.
ამით კრიპტოვალუტის ფასმა მორიგ ჯერზე გააუმჯობესა ისტროული მაქსიმუმი. გუშინ კრიპტოვალუტა 35 ათას დოლარად ივაჭრებოდა.
ბიტკოინი - ეს არის ბლოკჩეინის ტექნოლოგიაზე დაფუძნებული დეცენტრალიზებული სისტემის ციფრული ვალუტა, რომლის „მოპოვება“ შეუძლია სისტემის მონაწილე ნებისმიერ ადამიანს. ამისთვის საჭიროა ახალი ბლოკ-სისტემების შექმნა.
კონცეფცია თავდაპირველად 2008 წელს გამოქვენდა და მისი ავტორია სატოში ნაკამოტო. თუმცა ბიტკოინის პოპულარობის პიკი მხოლოდ ბოლო წლებში დაფიქსირდა. ბიტკოინის ემისია ჩვეულებრივი მეთოდით შეზღუდულია და ამ დროისთვის ბიტკოინების დიდი ნაწილი უკვე „მოპოვებულია“.
