მებაჟე ოფიცრებმა 18 181 ლარის ღირებულების არადეკლარირებული საქონელი გამოავლინეს
ფინანსთა სამინისტროს შემოსავლების სამსახურის საბაჟო გამშვებ პუნქტში „სარფი“, სამართალდარღვევის ფაქტი გამოვლინდა.
შემოსავლების სამსახურის ინფორმაციით, თურქეთის რესპუბლიკიდან შემოვიდა სატვირთო ავტომანქანა, რომელსაც საქართველოს მოქალაქე ა.ბ. მართავდა, რისკის პროგრამის საფუძველზე, ტვირთს კონტროლის წითელი დერეფანი განესაზღვრა და ავტომანქანა შემდგომი საბაჟო კონტროლის პროცედურების განხორციელების მიზნით, გაფორმების ეკონომიკურ ზონაში „ბათუმი“ გაიგზავნა და მებაჟე ოფიცრების მიერ აღნიშნული ტვირთის თანმხლები დოკუმენტების კამერალური შემოწმებისა და საქონლის დათვალიერების შედეგად, 18 181 ლარის ღირებულების სხვადასხვა დასახელების არადეკლარირებული საქონელის (საერთო წონით, 1424 კილოგრამი) შემოტანის ფაქტი გამოვლინდა.
მათივე ცნობით, საქმე შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეგზავნა.