Saudi Aramco-მ გასაყიდად შესაძლოა, აქციების ახალი პაკეტი გამოიტანოს
საუდის არაბეთის სანავთობო კომპანიამ Saudi Aramco შესაძლოა, საფონდო ბირჟებზე აქციების მორიგი პაკეტი გაიტანოს გასაყიდად. ამის შესახებ ინფორმაციას ტელეკომპანია Al Hadath სახელმწიფო საინვესტიციო ფონდის მმართველ იასირ არ-რუმეინზე დაყრდნობით ავრცელებს.
„ჩვენ შეგვიძლია წავიდეთ ამ ნაბიჯზე, თუ საბაზრო პირობები ამის შესაძლებლობას მოგვცემს“, - განაცხადა არ-რუმეინმა.
მანვე გაიხსენა, რომ 2019 წელს Saudi Aramco-ის აქციების პირველადი განთავსების შედეგად გაყიდა აქციების 1,7%. ამან მას საშუალება მისცა, მიეღო 29,4 მილიარდი დოლარის შემოსავალი.
Saudi Aramco არის მსოფლიოს უმსხვილესი სანავთობო კომპანია ნავთობმოპოვებისა და სანავთობო რეზერვების კუთხით. კომპანიას მისი მოგების 80% შეაქვს საუდის არაბეთის სახელმწიფო ბიუჯეტში.
24 იანვარს მემკვიდრე პრინცმა მუჰამედ ბენ სალმან ალ საუდმა, რომელიც იკავებს პირველი ვიცე-პრემიერის და თავდაცვის მინისტრის პოსტებს, განაცხადა, რომ აპირებს ქვეყნის ეკონომიკის დივერსიფიცირებას. მისი თქმით, არასანავთობო კომპანიების წარმოება უნდა გაიზარდოს 320 მილიარდ დოლარამდე უკვე 2025 წლისთვის და მასზე მოვიდეს ქვეყნის მშპ-ს მნიშვნელოვანი წილი.
