3D-პრინტერით დამზადებული სახლი ამერიკაში, რომლის აშენებაც 50%-ით უფრო იაფი ჯდება (+ფოტო)
კომპანია SQ4D-მა მთლიანად 3D პრინტერის მეშვეობით ააშენა სახლი, რომელიც აშშ-ში მსგავსი ტექნოლოგიებით დამზადებული პირველი სახლია.
შენობა ნიუ-იორკის შტატში, ქალაქ რივერჰედში მდებარეობს და მისი საერთო ფართობი 140 კვ.მ.-ია.
სახლში სულ 3 საძინებელი და 2 აბაზანაა მოწყობილი. შენობას ასევე აქვს ავტოფარეხი.
კომპანიის ვებ-გვერდზე განთავსებული ინფორმაციის მიხედვით, 3D სახლს სულ მცირე 50 წლიანი გარანტია აქვს და მისი ღირებულება 299 999 აშშ დოლარია.
მათი თქმით სახლი ეკო-მეგობრულია და ადამიანის ჯანმრთელობას არანაირ საფრთხეს არ უქმნის.
კომპანია SQ4D აღნიშნავს, რომ მომავალში 3D პრინტერით დამზადებული სახლები სულ უფრო პოპულარული გახდება და მალე მათი მასობრივი წარმოება დაიწყება. მათი თქმით, ჩვეულებრივთან შედარებით 3D ტექნოლოგიებით სახლის დამზადება 50%-ით უფრო იაფი ჯდება და ათჯერ უფრო სწრაფად შენდება.
