გიორგი გახარია არის პასუხისმგებლობის მქონე პირი და აცნობიერებს იმ გამოწვევებს, რის წინაშეც ქვეყანა დგას - ფადი ასლი
თუკი გახარიას რადიკალური პირი შეცვლის, მაშინ ეს ნამდვილად უკან სვლა იქნება - ამის შესახებ „ბიზნესპრესნიუსს“ საერთაშორისო სავაჭრო პალატის ხელმძღვანელმა ფადი ასლიმ განუცხადა.
„გავეცანი გიორგი გახარიას გადადგომის განცხადებას. ის არის პასუხისმგებლობის მქონე პირი და აცნობიერებს იმ გამოწვევებს, რის წინაშეც ქვეყანა დგას. გახარია აცნობიერებს, ახლა არ არის პოზიციების რადიკალიზების დრო, არამედ ჭრილობების შეხორცების და წინსვლის დროა.
ამ ყველაფერს, რა თქმა უნდა, უარყოფითი ზეგავლენა ექნება ბიზნეს გარემოზე, პოლიტიკურ სტაბილურობაზე, ბიზნესის, ბიზნესმენებისა და ინვესტორების ნდობაზე.
თუკი გახარიას რადიკალური პირი შეცვლის, მაშინ ეს ნამდვილად უკან სვლა იქნება, თუკი მას თავდაჭერილი ადამიანი ჩაანაცვლებს, მაშინ შესაძლოა, მართლა განხორციელდეს ცვლილებები, რომელიც საქმეს და ქვეყანას წინ წაიყვანს“, - განაცხადა ფადი ასლიმ.