ღია ან დახურულ საჯარო სივრცეში პირბადის ტარების წესის დარღვევაზე სანქცია მკაცრდება
ღია ან დახურულ საჯარო სივრცეში პირბადის ტარების წესის დარღვევაზე სანქცია მკაცრდება. ამის შესახებ ინფორმაცია საკანონმდებლო მაცნეზე უკვე გამოქვეყნდა.
კერძოდ, პანდემიის ან/და ეპიდემიის დროს ღია ან დახურულ საჯარო სივრცეში პირბადის ტარების წესის დარღვევა გამოიწვევს ფიზიკური პირის დაჯარიმებას 20 ლარით. დახურულ საჯარო სივრცეში განმეორებით პირის დაშვება პირბადის გარეშე გამოიწვევს დახურული სივრცის დაჯარიმებას - 1 000 ლარით.
ამასთან, გადაწყვეტილების თანახმად, პირბადის გარეშე საზოგადოებრივი ტრანსპორტით, მეტროთი და ტაქსით გადაადგილების განმეორებით შემთხვევაზე ჯარიმა 40 ლარი იქნება.
