Viola-მ შეფუთვის დიზაინი შეცვალა
ფინურმა კომპანიამ Valio და ბრენდინგის სააგენტომ DDVB მდნარი ყველის ბრენდისთვის Viola ახალი დიზაინი წარმოადგინეს.
რებრენდინგის მთავარი მიზანი იყო „ბრენდს მოეზიდა ახალი კლიენტები, ისე რომ, ამავდროულად შეენარჩუნებინა ლოიალური კლიენტები“, - აცხადებენ კომპანიაში.
ახალ ლოგოში Valio-მ უარი თქვა ზედმეტ ელემენტებზე და მოირგო ახალი შრიფტი. „ჩვენ შევინარჩუნეთ Viola-ს საფირმო ხაზი: ქერათმიანი გოგონა და კაშკაშა წითელი ფერის შეფუთვა, თუმცა ამავდროულად შევუცვალეთ ხასიათი, ის უფრო მოდური გახდა, ენერგიული, რომელიც ეწერება დღევანდელი ყოფის რითმში“, - აცხადებენ DDVB-ში.
ამასთან, სახეცვლილი შეფუთვა დაეხმარება მყიდველს, უფრო სწრაფად და მარტივად გაარჩიოს ბრენდის პროდუქცია გემოების მიხედვით, ვინაიდან ყველა მათგანისთვის ცალკე ფერია მოფიქრებული.
ამ დროისთვის Viola-ს ასორტიმენტში 20-ზე მეტი პოზიციაა. ბრენდის პროდუქცია წარმოდგენილია პრაქტიკულად ყველა სუპერმარკეტში.
