TBC Capital - 2021 წელს საქართველოს ეკონომიკა მხოლოდ 4%-ით გაიზრდება
TBC Capital-მა 2021 წლის საქართველოს ეკონომიკური ზრდის პროგნოზი განაახლა. როგორც დოკუმენტიდან ირკვევა, მიმდინარე წელს საქართველს ეკონომიკა საშუალოდ 4%-ით გაიზრდება. უნდა აღინიშნოს, რომ TBC Capital-ის წინა პროგნოზით, წელს საქართველოს ეკონომიკური ზრდა 4.6% უნდა ყოფილიყო. ცხადია, პროგნოზის შემცირების მთავარი მიზეზი მიმდინარე წლის დასაწყისში რეგულაციების შედეგად ეკონომიკის შემცირებაა, რომლის გამოც პირველ კვარტალში საქართველოს ეკონომიკური ზრდა მინუს ნიშნით იქნება.
რაც შეეხება მომავალ წელს, დოკუმენტიდან გამომდინარე 2022 წელს საქართველოს ეკონომიკა 7.5%-ით გაიზრდება.
შეგახსნებთ, რომ 2021 წლის იანვარში საქართველოს ეკონომიკა 11.5%-ით შემცირდა.
ავტორი: ნოდარ სირბილაძე