მსოფლიოს 10 ყველაზე მდიდარი ქალი Forbes-ის მიხედვით

დღეს საზოგადოება რამდენიმე მილიარდერ ქალს იცნობს. ნაწილმა ათეულობით მილიარდიანი კაპიტალი საკუთარი შრომით დააგროვა, ნაწილს კი ქონება მემკვიდრეობით, ოჯახის წევრებისგან ან მეუღლეებისგან ერგო. საინტერესოა გავიგოთ, ცოტა რამ იმ ქალების შესახებ, რომლებიც დიდძალ ფინასურ რესურსთან ერთად, დიდ ძალაუფლებასაც ფლობენ, თანაც მთელი მსოფლიოს მასშტაბით.

Forbes- ის მილიარდერების რეიტინგში, რომელიც მსოფლიოს უმდიდრესი ადამიანების ყოველდღიურ აღმავლობასა და დაცემას რეალურ დროში ადევნებს თვალყურს, სულ 250 მილიარდერი ქალია. ყველაზე მდიდართა ათეული კი ასე გამოიყურება:

1.ფრანსუაზა ბეტენკურტ მეიერსი - 73.6 მილიარდი დოლარი

„ლორეალის“ დამაარსებლის შვილიშვილი, ფრანსუაზა ბეტენკურტ მეიერსი მსოფლიოში ყველაზე მდიდარი ქალია. Bettencourt Meyers და მისი ოჯახი L'Oreal-ის 33%-ს ფლობენ. კომპანიამ 2019 წელს ბოლო ათი წლის განმავლობაში გაყიდვების საუკეთესო ზრდა დააფიქსირა.

ფრასუაზა 1997 წლიდან L'Oreal– ის დირექტორთა საბჭოს წევრი და ოჯახური ჰოლდინგის თავმჯდომარეა.

იგი 2 L'Oreal- ის მოქმედი მემკვიდრე 2017 წელს გახდა, როდესაც დედა, ლილიან ბეტენკურტი, მაშინ მსოფლიოს ყველაზე მდიდარი ქალი, 94 წლის ასაკში გარდაიცვალა.

ბეტენკურტ მეიერსი ასევე მისი ოჯახის საქველმოქმედო ფონდის პრეზიდენტია, რომელიც საფრანგეთში არსებულ ხელოვნებისა და მეცნიერების დარგებს აფინანსებს.

2. ელის უოლტონი - 61.5 მილიარდი დოლარი

ელის უოლტონი Walmart- ის დამფუძნებლის, სემ უოლტონის ერთადერთი ქალიშვილია. ელისი, მისი და-ძმის რობის და ჯიმისგან განსხვავებით თავიდანვე ბიზნესის მართვაში ჩაერთო.

2011 წელს მან არკანზასში, მშობლიურ ბენტონვილში, ამერიკული ხელოვნების მუზეუმი გახსნა, სადაც ცნობილი მხატვრების ტილოები გამოფინა.

2020 წლის იანვარში მან მიზნად დაისახა ამერიკის ”გატეხილი” ჯანდაცვის სისტემის აღდგენა. მან ბენტონვილში სამედიცინო სკოლა გახსნა.

3. მაკკენზი სკოტი- 53.0 მილიარდი დოლარი

მაკკენზი სკოტი არის „ამაზონის“ დამფუძნებლის ჯეფ ბეზოსის ყოფილი მეუღლე. 25-წლიანი თანაცხოვრების შემდეგ, ისინი 2019 წლის შუა რიცხვებში დაშორდნენ.

განქორწინების შემდეგ, Amazon-ის დამფუძნებელმა, მსოფლიოს ყველაზე მდიდარმა კაცმა, ყოფილ ცოლს თავისი წილის 25% გადასცა, რაც კომპანიის 4% იყო, რის შემდეგაც მაკკეზი მსოფლიოს ერთ- ერთი ყველაზე მდიდარი ქალი გახდა.

2020 წლის ივლისში მაკკეზიმ განაცხადა, რომ ქმრის გვარზე უარს ამბობს და მის გვარს, სკოტს იბრუნებს. იმავე წელს მან 119 არაკომერციულ ჯგუფს 1,7 მილიარდი დოლარი შესწირა.

მაკკენზი გამოირჩევა ქველმოქმედებისადმი სიყვარულით.

4. ჯულია კოხი - 46.4 მილიარდი დოლარი

ჯულია კოხმა 2019 წლის აგვისტოში, მეუღლის, დავით კოხის გარდაცვალების შემდეგ მემკვიდრეობით კოხ ინდუსტრიის 42% -იანი წილი მიიღო.

ჯულია მომავალ მეუღლეს დავითს 1991 წელს, ბრმა პაემანზე შეხვდა. ექვსი თვის შემდეგ ისინი კვლავ შეხვდნენ ერთმანეთს და დაიწყეს ურთიერთობა. 1996 წელს კი იქორწინეს.

მან და მისმა მეუღლემ სინას მთის სამედიცინო ცენტრს 10 მილიონი დოლარი შესწირეს, იმდენივე შესწირეს სტენფორდის ბავშვთა საავადმყოფოს, საკვების ალერგიის შესასწავლად.

5. ჟაკლინ მარსი- 31.3 მილიარდი დოლარი

ჟაკლინ მარსს ეკუთვნის ბაბუის მიერ დაარსებული, მსოფლიოში უდიდესი საკონდიტრო კომპანიის, „მარსის“ დაახლოებით მესამედი. იგი კომპანიაში 20 წლის განმავლობაში მუშაობდა. 2016 წლამდე იყო დირექტორთა საბჭოში.

მისი ვაჟი სტივენ ბედჯერი არის „მარსის“ დირექტორთა საბჭოს თავმჯდომარე.

6. იანგ ჰუიანი - 29.6 მილიარდი დოლარი

იანგ ჰუიანი განვითარების კომპანიის Country Garden Holdings– ის 57%-ს ფლობს. წილი მას მამამისმა - იუნგ კვოკ კეუნგმა 2007 წელს გადასცა.

იანგი ასევე ხელმძღვანელობს Bright Scholar Education Holdings– ს, ჩინურ საგანმანათლებლო კომპანიას, რომელიც 2007 წელს ნიუ-იორკის საფონდო ბირჟაზე გამოჩნდა.

იანგის დეიდა, იანგ მეირონგი, ფლობს Bright Scholar- ის წილს და 2017 წელს Forbes China Rich List- ის წევრი იყო.

იანგს მიღებული აქვს დიპლომი ოჰაიოს სახელმწიფო უნივერსიტეტში.

7. სუზან კლატენი - 27.7 მილიარდი დოლარი

სუზან კლატენი BMW მწარმოებლის 19,2% -ს ფლობს, მისი ძმა შტეფან კვანდტი კი 23,7% -ს.

მათი გარდაცვლილი დედა, ჯოანა, ლეგენდარული ინდუსტრიალისტის ჰერბერტ კვანდტის მესამე ცოლი იყო. სწორედ ჰერბერტის დამსახურებაა, რომ BMW ძვირადღირებული საქონლის ბაზარზე დომინირებს.

ეკონომისტმა სუზან კლატენმა ბაბუის კომპანია, Altana AG მსოფლიო დონის ფარმაცევტულ / სპეციალიზებულ ქიმიურ კორპორაციად გადააკეთა. კლატენი არის Altana- ს ერთადერთი მფლობელი და ვიცე-თავმჯდომარე, რომლის წლიური გაყიდვები 2.5 მილიარდ დოლარს აღემატება.

ის ასევე ფლობს წილებს ქარის ენერგიის კომპანია Nordex AG- ში და ნახშირბადის და გრაფიტის მწარმოებელ SGL Group- ში.

8. ჯინა რაიჰართი - 23.6 მილიარდი დოლარი

ავსტრალიის უმდიდრესი მოქალაქე რკინის მადნეულის ცნობილი მკვლევარის, ლენგ ჰენკოკის ქალიშვილია. რაინჰარტმა აღადგინა გარდაცვლილი მამის ფინანსურად პრობლემური კომპანია Hancock Prospecting.

მისი ქონების უდიდესი ნაწილი როი ჰილის სამთო პროექტიდან მოდის, რომელმაც აზიაში გადაზიდვები 2015 წელს დაიწყო.

ბიზნესმენი ასევე მესამეა ავსტრალიაში, რომელსაც მსხვილფეხა რქოსანი პირუტყვის ფერმები აქვს და ხორცის წარმოებას ახდენს.

9. ირის ფანტობა - 23.3 მილიარდი დოლარი

ირის ფონტბონა ანდრონიკო ლუკშიჩის ქვრივია, რომელმაც 2005 წელს, კიბოთი გარდაცვალებამდე, ქონება სამთომოპოვებითი და სასმელების წარმოებით მოიპოვა.

მან ბიზნესი ცოლსა სამ ვაჟს: ჟან-პოლს, ანდრონიკოს და გილერმო დაუტოვა. (ლუკსიჩი 2013 წელს 57 წლის ასაკში ფილტვის კიბოთი გარდაიცვალა).

ფონტბონა და მისი შვილები აკონტროლებენ Antofagasta Plc- ს, რომელიც ფლობს სპილენძის მაღაროებს ჩილეში და ვაჭრობს ლონდონის საფონდო ბირჟაზე. ისინი ასევე ფლობენ ყველაზე მეტ წილს Quiñenco- ში, ჩილეში დაფუძნებულ კონგლომერატში, რომელიც საბანკო საქმეს, ლუდსა და სხვა წარმოების სფეროებში მონაწილეობს.

10. აბიგაილ ჯონსონი - 20.9 მილიარდი დოლარი

აბიგაილ ჯონსონმა 2014 წელს მამის თანამდებობა დაიკავა და 2016 წლამდე Fidelity Investments– ის აღმასრულებელი დირექტორის მოვალეობას ასრულებდა, 2016 წლიდან კი თავმჯდომარის პოსტი დაიკავა.

მისმა ბაბუამ, ედვარდ ჯონსონ II- მ, 1946 წელს დააარსა ბოსტონის ურთიერთდაფინანსების გიგანტი. ის ფლობს კომპანიის დაახლოებით 24.5% -ს, რომელსაც მენეჯმენტში დაახლოებით $ 2.9 ტრილიონი დოლარი აქვს.

ჯონსონი კრიპტოვალუტებში მოხვდა და 2018 წელს დაიწყო პლატფორმა, რომელიც საშუალებას აძლევს ინსტიტუციურ ინვესტორებს Bitcoin– ით და Ether– ით ივაჭრონ.