უნაღდო მაღაზიებიდან შიდა რობოტებამდე - AMAZON- ის ამბიციური სამომავლო გეგმები
დაახლოებით მეოთხედი საუკუნის წინ, ავტოფარეხში შექმნილი კომპანია ბოლო რამდენიმე წელია გიგანტურ გლობალურ ელექტრონულ კომერციულ ბიზნესად იქცა. ამაზონი Apple- ის შემდეგ მეორე ამერიკული კომპანიაა, რომლის ღირებულება 1 ტრილიონი დოლარია და ეს ყველაფერი არ არის. Amazon-ს უამრავი პროექტი აქვს დაწყებული, რომელთა ნაწილი უკვე დასრულებულია და ყოფით ცხოვრებაში მათი დანერგვა მიმდინარეობს.
მაღაზიები მოლარის გარეშე
2018 წლის იანვარში, Amazon- მა სიეტლში გახსნა თავისი პირველი მაღაზია Amazon Go, რომელმაც სფეროში რევოლუცია მოახდინა. "Just Walk Out" მაღაზიები ნიშნავს, რომ მომხმარებელი იღებს ახალი ტექნოლოგიით აღჭურვილ კალათს, რომელიც პროდუქტის ჩადებისას ფასს ავტომატურად აფიქსირებს, ამატებს მათ ვირტუალურ კალათაში Amazon Go აპში, თანხის ჩამოჭრა ბარათიდან ავტომატურად ხდება.
ამჟამად აშშ – ში Amazon Go– ს 26 მაღაზია არის გახსნილი რამდენიმე დიდ ქალაქში, მათ შორის ჩიკაგოსა და სან – ფრანცისკოში. მიმდინარე წელს ასეთი მაღაზია გაიხსნება ლონდონში.
ბიომეტრიული გადახდები
სექტემბერში Amazon- მა დაიწყო ბიომეტრიული გადახდის ახალი მეთოდი, რომელიც ხელმისაწვდომი იქნება Amazon Go- ს მაღაზიებში. სისტემა ამოწმებს თითოეული მომხმარებლის ელექტრონულ მონაცემებს (შეზღუდულად), რომელიც შემდეგ უკავშირდება მათ საკრედიტო ან სადებეტო ბარათს. ბიომეტრიული გადასახადები მდგრადია გაყალბების მიმართ, რაც ფულის ბრუნვის ბევრად უსაფრთხო სისტემას ქმნის.
ინვესტიცია ინდოეთში
ჯეფ ბეზოსი ახლა ინდოეთის „აღებაზე“ ფიქრობს. იგი ინდოეთს წლის დასაწყისში ეწვია და ღონისძიებაზე სიტყვით გამოსვლისას თქვა, რომ 21-ე საუკუნე "ინდოეთის საუკუნე იქნება". ინდოეთის მასშტაბით მცირე და საშუალო ბიზნესის დიჯიტალიზაციისთვის Amazon- მა 1-მილიარდიანი ინვესტიცია განახორციელა. ბეზოსმა ასევე გამოაცხადა, რომ Amazon 2025 წლისთვის 10 მილიარდი დოლარის ღირებულების ინდურ საქონელს ექსპორტზე გაიტანს.
სახლის რობოტები ხელოვნური ინტელექტით
2018 წლის აპრილში, „ბლუმბერგმა“ დაწერა, რომ Amazon-ი მუშაობს პროექტზე, რომელსაც ნამდვილად შეუძლია შეცვალოს სიტუაცია: ჭკვიანი რობოტი სახლისთვის, რომელიც იკვებება ხელოვნური ინტელექტით (AI). რობოტს შეეძლება სახლის დასუფთავება და სხვა ყოფითი საქმეების შესრულება.
სახლის რობოტს ქმნის Amazon Lab126- ტექნიკისა და კვლევის დეპარტამენტი. როგორც ცნობილია, Lab126 პროექტზე მუშაობა რამდენიმე წლის განმავლობაში მიმდინარეობდა და გავრცელებული ინფორმაციით, ის დასასრულს უახლოვდება.
თამაშის “გასტრიმვის“ სერვისები
კიდევ ერთი ინდუსტრია, რომელსაც ტექნიკური გიგანტი ცდილობს ააფეთქოს, არის თამაშები. დღეს ბევრი იუთუბერი თამაშის ე.წ. “გასტრიმვის“ ნამდვილი ოსტატია. წარმოიდგინეთ ეს პროცესი ულტრათანამედროვე და რევოლუციური ღრუბლოვანი სათამაშო სერვისით.
Amazon-მა ახლახანს აამოქმედა Luna, რომელიც მომხმარებლებს საშუალებას აძლევს ითამაშონ მოწყობილობებზე, თამაშების ჩამოტვირთვის ან ინსტალაციის გარეშე. Luna იმუშავებს ნებისმიერ Bluetooth კონტროლერთან, მაგრამ Amazon- მა ასევე გამოუშვა Luna- ს საკუთარი ვერსია, რომელიც პირდაპირ ღრუბლოვან სერვისთან იქნება დაკავშირებული. Luna Plus- ის ძირითადი არხის ფასი 5,99 აშშ დოლარია. მოთამაშეებს უკვე შეუძლიათ დარეგისტრირება.
ინოვაციური ჯანდაცვა
კომპანია წლებია, რაც საავადმყოფოებს ამარაგებს, მაგრამ აპირებს თავისი ბიზნესის სამედიცინო მხარის შემდეგ ეტაპზე გადაყვანას. 2019 წლის სექტემბერში Amazon Care-ის ფარგლებში ახალი მიდგომის დანერგვა და გატესტვა დაიწყო, რამაც გაამართლა. სერვისი გთავაზობთ სამედიცინო მომსახურებას Oasis Medical– ის საშუალებით ვირტუალურ და რეალურ ცხოვრებაში. მათ შორის, აპლიკაციებში ექიმთან ვიზიტებს, პირად შემოწმებებს და დანიშნულების მიწოდებას ორი საათის განმავლობაში.
2018 წლის ივნისში კომპანიამ შეიძინა ონლაინ აფთიაქი PillPack, რამაც მას საშუალება მისცა დაეწერა რეცეპტები 50 შტატში, რასაც სხვაგვარად წლები დასჭირდებოდა.
თვითმართვადი ავტომობილები
ჯერ კიდევ 2 წლის წინ დაუჯერებელი სურათი იმის შესახებ, რომ ავტომობილის მძღოლმა შეიძლება დაიძინოს და მანქანამ თავად გააგრძელოს უსაფრთხოდ გადაადგილება, დღეს აღარავის უკვირს. ასეთი რამ “ტესლამ“ უკვე შექმნა და დიდ ქვეყნებში გაყიდვებშიც კი გაუშვა. იტერნეტში უამრავი ვიდეო დევს, სადაც ჩანს, თუ როგორ სძინავთ “ტესლას“ ავტომობილის მძღოლებს, ავტომობილი კი 60 კმ/სთ სიჩქარით და უფრო მეტით გადაადგილდება.
2020 წლის ივნისში Amazon- მა განაცხადა 1.3 მილიარდ დოლარად ავტონომიური სატრანსპორტო კომპანიის Zoox- ის შეძენის შესახებ, რომელიც 2014 წლიდან აწარმოებს მანქანებს. ეს არ არის Amazon- ის პირველი წამოწყება ტექნოლოგიაში, რადგან მანამდე კომპანიამ ჩადო ინვესტიციები ისეთ კომპანიებში, როგორიცაა Aurora- ს თვითმართვადი მანქანები 2019 წელს.
ასე რომ, უახლოეს მომავალში მსგავსი ტიპის ავტომობილებს Amazon_ისგანაც უნდა ველოდოთ.
გარდა ამ ინოვაციური და სამომავლო ტექნოლოგიებისა, კომპანიამ უკვე დანერგა დრონით მიწოდების სერვისი, საერთაშორისო საჰაერო ფრენები მოკლე მანძილებზე, სახლის დაცვის თანამედროვე სისტემა, “ალექსა“ და ა.შ.
