კვერცხის მილიარდები - როგორ დაარწმუნა Vital Farms –მა ფერმერები, რომ ქათმებზე უკეთესად ეზრუნათ და მეტი ფული მიეღოთ

კომპანია “Vital Farms“ American Business– ის ვერსიით, 2020 წელს საუკეთესო ბიზნესის ჯილდოს გამარჯვებული გახდა. ამ ჯილდოთი გამოცემა აღიარებს კომპანიებს, რომლებმაც დიდი გავლენა მოახდინეს თავიანთ ინდუსტრიაზე, ადგილობრივ საზოგადოებაზე, გარემოსა და ზოგადად საზოგადოებაზე. სწორედ ეს კრიტერიუმები დააკმაყოფილა Vital Farms - მა.

2007 წელს სერიული მეწარმე მეტ ო'ჰიერი არჩევანის წინაშე აღმოჩნდა. ბოლო ხუთი წლის განმავლობაში მეუღლესთან ერთად პატარა კატამარანში ცხოვრობდა. თუმცა, ყოველთვის სურდა რამე ახალი ეცადა, რადგან დაივინგით ვერც საკმარის ფინანსებს გამოიმუშავებდა და ისედაც, ყოველთვის გრძნობდა, რომ მეტის გაკეთება შეეძლო. გარკვეული დროის შემდეგ ო'ჰიერმა გადაწყვიტა ჩრდილოეთ ინდონეზიაში, თავის ძველ მეგობართან, Whole Foods– ის თანადამფუძნებელთან და აღმასრულებელ დირექტორთან ჯონ მაკკისთან ერთად ეცადა ბედი.

იმ დროს მაკკი ხორცისა და ფრინველის მომწოდებლების კომპანია Whole Foods-ში, ცხოველების კეთილდღეობის სტანდარტების გაუმჯობესებაზე მუშაობდა. ოსტინში, პატარა ქათმის ფერმაში უკვე ჩადებული ჰქოდა ფული და ო'ჰაიერთა მის მომავალზე ხშირად ლაპარაკობდა. იგი მიიჩნევდა, რომ შინაური ფრინველი თავისუფლად, ღია ცის ქვეშ უნდა იზრდებოდეს და მხოლოდ სიმინდით იკვებებოდეს.

დაემთხვა, რომ ო'ჰეირი წარსულში, 1968 წელს, მის მშობლიურ პროვიდენსში პატარა საქათმეს ფლობდა. მაკკისთან საუბრის შემდეგ, ო'ჰიერმა სწრაფად მიიღო გადაწყვეტილება.

2007 წელს სამხრეთ ოსტინში იყიდა 20 ქათამი და 11 ჰექტარი მიწა, რომელსაც შემდეგ Vital Farms ეწოდა.

ო'ჰიერმა მიზნად დაისახა, რომ ფერმაში ეკოლოგიურ წარმოებას უპირატესი მნიშვნელობა ჰქონოდა.

13 წლის შემდეგ მისმა დაუღალავმა შრომამ შედეგი გამოიღო. დღეს ო'ჰიერის კომპანია ამარაგებს 13 ათასზე მეტ მაღაზიას, მისი წლიური შემოსავალი კი 140 მილიონ დოლარს აჭარბებს. ივლისში IPO– მ საბაზრო კაპიტალიზაციით 1,2 მილიარდ დოლარს მიაღწია.

2014 წელს ო'ჰაიერმა თანამოაზრე იპოვა. ეს იყო მაკკეინსის საკონსულტაციო კომპანიის ყოფილი თანამშრომელი რასელ დიეზ-კანსეკო, რომელიც Vital Farms– ში დასაქმების სურვილით მივიდა. იმ დროისთვის კომპანიის წლიური გაყიდვები 20 მილიონ დოლარზე ნაკლები იყო. დიეზ-კანსეკო დაინიშნა მთავარი ოპერატორის თანამდებობაზე და დაიწყო 930 კვადრატული მეტრის საწყობის მართვა. მისი ხელფასი წინა სამსახურთან შედარებით ნაკლები იყო, მაგრამ ო'ჰაიერის ბიზნესის იდეა მოსწონდა.

“ამ კომპანიას შეუძლია ხარისხიანი საკვები უფრო ხელმისაწვდომი გახადოს. გამიხარდა, რომ ფერმაში მყოფ ფრინველებსა და ცხოვეებს ეკოლოგიურად სუფთა და ხარისხიანი საკვებით ვზრდიდით”- ამბობს დიეზ-კანსეკო.

Vital Farms -მა დაახლოებით იმავე დროს დაიწყო მისურისა და არკანზასის შტატში მდებარე ფერმებში მუშაობა. ო'ჰაიერს და დიეზ-კანსეკოს უნდა დაერწმუნებინათ სკეპტიკოსი ფერმერები, რომ ნაკლები ქათმების მოშენებით ისინი მოგებას მართლაც 25% -დან 75% -მდე გაზრდიდნენ, მიიღებდნენ უფრო მეტ კვერცხს, თუ მათ მიერ შემუშავებულ წესებს მკაცრად დაიცავდნენ. თითოეულ ქათამს უნდა ჰქონოდა 10 კვადრატული მეტრი მიწის ნაკვეთი. გარდა ამისა, ყოველ ორ კვირაში საჭიროა იყო ფრინველების გადატანა მინდვრის ახალ მონაკვეთზე, რათა მათ ჯანმრთელ ბალახზე ევლოთ და ექსკრემენტები, პარაზიტები არ დაგროვილიყო. ასევე უნდა გამოეკვებათ მხოლოდ სიმინდით.

ფერმერებისთვის ეს ნამდვილი ავანტიურა იყო: ”ჩვენს შესახებ მათ არასდროს სმენიათ, ჩვენ კი მათ სტანდარტების შეცვლას ვთხოვდით“, - ამბობს დიეზ-კანსეკო, რომელმაც ოჰაიერი 2019 წელს კომპანიის აღმასრულებელი დირექტორის თანამდებობაზე აღადგინა.

Vital Farms– ს გაყიდვების გამოწვევაც შეექმნა. მომხმარებლები მზად იყვნენ ერთ ყუთ კვერცხში მხოლოდ 10 დოლარი გადაეხადათ, მაგრამ ძალიან მასშტაბური მოთხოვნილების შემთხვევაშიც კი, ხარჯების დასაფარად თითო ყუთის ღირებულება 30 დოლარს აღწევდა. შედეგად, ო'ჰიერმა თავისი უამრავი პროდუქტი შესწირა ადგილობრივ კვების ობიექტებს.

2013 წელს Vital Farms– ის დამფუძნებელმა დაიწყო გავლენიანი ინვესტორების მოზიდვა, რომლებიც სოციალური და ეკოლოგიური პრობლემების გადასაჭრელად კაპიტალს უზრუნველყოფენ. მან ხუთი წლის განმავლობაში 25 მილიონი დოლარის შეგროვება მოახერხა. ო'ჰაიერი დღემდე რჩება კომპანიის უმსხვილეს აქციონერად, რომლის წილის დაახლოებით 20% -ს შეადგენს. ბიზნესის ზრდისთანავე, Vital Farms- მა შეძლო პროდუქცია მიეწოდებინა არამარტო Austin– ის ადგილობრივი სასურსათო მაღაზიებისა და Whole Foods-თვის, არამედ Walmart და Target ქსელებიც მოამარაგა. მომხმარებლები უკვე მზად იყვნენ გადაეხადათ უფრო მეტი თანხა ეთიკურად მოპოვებულ საკვებში.

Vital Farms– მა 2017 წელს ააშენა უახლესი კვერცხის შესაფუთი ქარხანა, სახელწოდებით Egg Central Station, Springfield, Missouri, Missouri. კომპანია ყოველდღიურად ამუშავებს და ფუთავს ორ მილიონამდე კვერცხს, რომლებიც 10 შტატის 200 პარტნიორი მეურნეობიდან მოდის. კვერცხები ქვეყნის მთელ მაღაზიებში იგზავნება, სადაც ათეული 5 - დან 9 დოლარამდე იყიდება.

2019 წელს პეისიმ და მისმა ვაჟმა Vital Farms– ის პროგრამით დამტკიცებული მეფრინველეობის ფერმის ასაშენებლად 400 000 აშშ დოლარი ჩადეს. აღჭურვილობისთვის კიდევ 250 ათასი დოლარი დახარჯეს. გარდა ამისა, 100 ათას დოლარად შეიძინეს 20 ათასი ქათამი.

პანდემიის დროს აშშ – ში კვერცხზე მოთხოვნა კვლავ მაღალი იყო. IPO– ს მოგებისა და ზარალის პირველი ანგარიშის თანახმად, Vital Farms– ის წმინდა შემოსავალი 2020 წლის მეორე კვარტალში 2019 წლის ანალოგიურ პერიოდთან შედარებით 84% –ით გაიზარდა და 59.3 მილიონი აშშ დოლარი შეადგინა, ხოლო მისი წმინდა მოგება გაორმაგდა.