„ავთანდილ ცქვიტინიძე“, „იმერი“, „აჭარა ტექსტილი“ - ვის ეკუთვნის კომპანიები, რომლებიც ტრიკოტაჟის ტანსაცმელს უცხოეთში ყველაზე დიდი რაოდენობით ყიდიან

საქართველოში წარმოებული ტრიკოტაჟის ტანსაცმლის ექსპორტი გაიზარდა და ის უმსხვილეს საექსპორტო სასაქონლო პოზიციებზეა.

კერძოდ, სტატისტიკის ეროვნული სამსახურის მონაცემებით, 2021 წლის იანვარ-თებერვალში საქართველოდან 8,4 მლნ აშშ დოლარის პროდუქცის ექსპორტი განხორციელდა, 2020 წლის ანალოგიურ პერიოდში კი - 7,4 მლნ აშშ დოლარის. ამავე მონაცემების მიხედვით, ტრიკოტაჟის ნაწარმს მთლიან საექსპორტო სასაქონლო ჯგუფში 2,3%-ანი წილი უკავია.

„ბიზნესპრესნიუსი“ დაინტერესდა, იმ კომპანიების ჩამონათვალით, რომლებიც ტრიკოტაჟის ტანსაცმელს უცხოეთში ყველაზე დიდი რაოდენობით ყიდიან.

საქსტატიდან მიღებული ინფორმაციის თანახმად, ეს კომპანიებია:

· შპს „ავთანდილ ცქვიტინიძე“

· სს სამკერვალო კომპანია იმერი

· შპს აჭარა ტექსტილე

· შპს ჯორჯიან ტექსტილი

· შპს ემ ფი თი ჯორჯია

· შპს ტიფლის ტექსტილი

· შპს ჯეპრო

· შპს ფასთ თრექ ტექსტილე ლთდ

· შპს მეჯიკტრანს

· შპს მელისა

სამეწარმეო რეესტრის მიხედვით, შპს „ავთანდილ ცქვიტინიძე“ 2012 წლის 30 იანვარს დაფუძნდა. ბოლო ამონაწერის მიხედვით, კომპანიის 100%-იანი წილის მფლობელი და დირექტორი დიზაინერი ავთანდილ ცქვიტინიძეა.

სს სამკერვალო კომპანია იმერი - 2010 წლის 13 იანვარს დარეგისტრირდა. კომპანიის 2019 წლის ფინანსური ანგარიშგების მიხედვით, მას 10 მეწილე და 2 თანამესაკუთრე ჰყავს (წყარო.reportal.ge). კომპანიის მფლობელები არიან: 1. სიმონიძე მაია 14.85 %; 2. ჩიხლაძე გიორგი 10.34 %; 3. აბულაძე ნანა, ნიკიფი მამუკა, ნიკიფი ზვიად, (თანამესაკუთრეები) 10.34 %; 4. გვენეტაძე ზაზა 10.50 %; 5. ხაჩიძე ლიანა 10.3 %; 6. კახიანი ინგა 5 %; 7. კახიანი ხათუნა 5 %; 8. ლომიძე უშანგი 10.31 %; 9. ელბაქიძე ლელა 6.07 %; 10. სანოძე ცისანა 5.02 %. ბოლო ამონაწერის მიხედვით, კი კომპანიის დირექტორი გიორგი ჩიხლაძეა.

შპს აჭარა ტექსტილე - 2010 წლის 20 იანვარს დაფუძნდა. კომპანიის 100%-ანი წილი თურქეთში რეგისტრირებულ სააქციო საზოგადოებას "აბაი ულუსლარარასი თექსთილ თურიზმ ვე იათირიმ თიჯარეთ" ეკუთვნის. საქართველოში ხელმძღვანელი პირები კი არიან: თურქეთის მოქალაქეები, რაიფ საიგინი და ონურ სეზერი, ასევე, საქართველოს მოქალაქეები, გია ლომინაძე, ლაშა ხალვაში და დათო ჯაიანი.

შპს ჯორჯიან ტექსტილი - 2010 წლის 29 იანვარს დაფუძნდა. კომპანიის 100%-ანი წილი თურქეთის მოქალაქეს ნურდან სინდელიშიქს ეკუთვნის. ბოლო ამონაწერის მიხედვით, ჯორჯიან ტექსტილის დირექტორია ბილგინ სარი.

შპს ემ ფი თი ჯორჯია - 2016 წლის 12 ოქტომბერს დაფუძნდა. სამეწარმეო რეესტრის მიხედვით, კომპანიის 100%-იანი წილის მფლობელი და დირექტორი მიხელ გეთიაა.

შპს ტიფლის ტექსტილი - 2016 წლის 27 ოქტომბერს დაფუძნდა. კომპანიის 100%-ანი წილის მფლობელი და დირექტორი გიორგი გაჩეჩილაძეა.

შპს ჯეპრო - სამეწარმეო რეესტრში 2017 წლის 1-ელ ნოემბერს დარეგისტრირდა. კომპანიის მფლობელი და დირექტორი საქართველოსა და სომხეთის მოქალაქე ონიკ ღარიბიანია.

შპს ფასთ თრექ ტექსტილე ლთდ -2014 წლის 13 მაისს დაფუძნდა. კომპანიის 100% თურქეთში რეგისტრირებულ სააქციო საზოგადოებას „იმთექს გიიმ სანაი ვე თიჯარეთ“ ეკუთვნის. კომპანიის დირექტორი კი თურქეთის მოქალაქე ალი შაჰინია.

შპს მეჯიკტრანს - 2018 წლის 13 ნოემბერს დარეგისტრირდა. კომპანიის 100%-ანი წილის მფლობელი და დირექტორი მუხრან არძენაძეა.

შპს მელისა- 2016 წლის 7 ოქტომბერს დაფუძნდა. კომპანიის მფლობელი და დირექტორი ბესიკ ქორიძეა.