საქართველოს წმინდა საერთაშორისო საინვესტიციო პოზიციამ, 2020 წლის 31 დეკემბრის მდგომარეობით -24.8 მლრდ აშშ დოლარი შეადგინა

საქართველოს წმინდა საერთაშორისო საინვესტიციო პოზიციამ, 2020 წლის 31 დეკემბრის მდგომარეობით -24.8 მლრდ აშშ დოლარი (-81.3 მლრდ ლარი) შეადგინა, რაც წლიური მშპ-ს -156.3 პროცენტია. აღნიშნული მაჩვენებელი წინა კვარტალთან შედარებით 955.7 მლნ აშშ დოლარით გაიზარდა. ამის შესახებ ინფორმაციას საქართველოს ეროვნული ბანკი აქვეყნებს.

მათივე ცნობით, 2020 წლის 31 დეკემბრის მდგომარეობით, მთლიანი საერთაშორისო აქტივები 10.9 მლრდ აშშ დოლარია (35.8 მლრდ ლარი), რაც წინა კვარტალის მაჩვენებელზე 125.8 მლნ აშშ დოლარით ნაკლებია.

როგორც სებ-ის მიერ გავრცელებული ინფორმაციით ირკვევა, მთლიანმა საერთაშორისო ვალდებულებებმა 35.8 მლრდ აშშ დოლარი (117.1 მლრდ ლარი) შეადგინა, რაც წინა კვარტალის მაჩვენებელზე 830.0 მლნ აშშ დოლარით მეტია.