პარიზის ღვთისმშობლის ტაძრის რეკონსტრუქციისთვის შემოწირულობით 830 მილიონი ევრო შეგროვდა
საფრანგეთის კულტურის მინისტრის როზელინ ბაშლოს განცხადებით, პარიზის ღვთისმშობლის ტაძრის რეკონსტრუქციისთვის 830 მილიონი ევრო ოდენობის შემოწირულობა შეგროვდა, რომელიც ზუსტად ორი წლის წინ, 2019 წელს ძლიერი ხანძრის შედეგად დაზიანდა.
„შემოწირულობით შეგროვდა 830 მილიონი ევრო, რაც სრულიად უპრეცენდენტო თანხაა. რა თქმა უნდა, მე ვარ გარანტი იმისა, რომ ეს ფონდი მართებულად და გამჭვირვალედ დაიხარჯება“, - განაცხადა მინისტრმა.
მისი თქმით, შეგროვილი თანხა იძლევა იმის საშუალებას, რომ ნოტრდამის რესტავრაცია დაიწყოს. მინისტრის განცხადებით, ნოტრდამი 2024 წელს გაიხსნება.
პარიზის ღვთისმშობლის ტაძარში ხანძარი 2019 წლის 15 აპრილს გაჩნდა.