დიდი კომპანიები, რომლებმაც COVID19-ის გამო გეგმები შეცვალეს
გასულ წელს გავრცელებული ვირუსის გამო მსოფლიო ჩიხში აღმოჩნდა, მაგრამ COVID19 ზოგიერთი მსხვილი კომპანიისთვის ფაქტობრივად, კატალიზატორი გახდა. მათ შეცვალეს თავიანთი ბიზნესის წარმოების მოდელი და სხვათაშორის, უკეთესობისკენ.
Tesla -მ პირველი ევროპული გიგაქარხანა განავითარა
მიუხედავად იმისა, რომ Tesla– ზე გერმანიაში პირველი ევროპული გიგაფაბრიკის მშენებლობის გრაფიკზე კორონავირუსმა თავიდან უარყოფითი გავლენა იქონია, ბოლო ცნობების თანახმად რეგიონში შეთანხმება უკვე მიღწეულია.
მეგა ქარხანამ უნდა შექმნას 10,000 ახალი სამუშაო ადგილი, რაც გერმანიის პატარა ქალაქის მთლიანი მოსახლეობაა და აპირებს ყოველწლიურად აწარმოოს დაახლოებით 500,000 მანქანა. სავარაუდოდ, ევროპაში მოთხოვნა Tesla- ს ავტომობილებზე გაიზრდება, რადგან პანდემიამ ეკოლოგიური პრობლემების გამოსწორება დააჩქარა.
Audi ელექტრომობილების წარმოებას იწყებს
Audi- მ შექმნა ახალი დეპარტამენტი, რომელიც ორიენტირებულია მხოლოდ EV– ების სწრაფად წარმოებაზე. 2024 წლისთვის 20-ზე მეტი მხოლოდ ელექტრო მოდელის დამატება იგეგმება. კომპანიამ ასევე დაადასტურა ახალი ელექტრომობილების წარმოება Premium Platform Electric (PPE) არქიტექტურის საფუძველზე.
Amazon-ი პროექტების მშენებლობას აჩქარებს
Amazon-ი პანდემიის გამო ერთ-ერთ ყველაზე მომგებიან სიტუაციაში აღმოჩნდა. წინა წელს საყოფაცხოვრებო შეკვეთებმა და ონლაინ შესყიდვებმა რეკორდულად მოიმატა. ამის გამო ელექტრონული კომერციის გიგანტმა აშშ-ს შტატ დელავერში და ავსტრალიაში ახალი საწყობის მშენებლობა დააჩქარა. გასულ შემოდგომაზე კომპანიამ ასევე განაცხადა, რომ აპირებს შექმნას თანამედროვე დონის ცენტრები მისისიპისა და ოკლაჰომაში.
Gap-ი საწყობებში რობოტების რაოდენობას სამჯერ ზრდის
Gap საწყობებში რობოტების რაოდენობის გასამმაგებას გეგმავს. მარტში, Gap- მა გააფართოვა თავისი რობოტის შესაძლებლობები და მთელი რიგი სამუშაოების შესრულება ბევრად გამარტივდა.
Google-ს წარმოები სხვადასხვა ქვეყნებში გადააქვს
Google- მა გადაწყვიტა თავისი საწარმოები აშშ-დან ვიეტნამში გადაიტანოს. პროცესი 2019 წელს დაიწყო. კომპანიამ არჩევანი ტაილანდზეც შეაჩერა, ხოლო მონაცემთა ცენტრის წარმოების გადატანა ტაივანში გადაწყდა.
Microsoft-ს წარმოება ჩინეთიდან ვიეტნამში გადააქვს
Microsoft -მა გადაწყვიტა, რომ კომპიუტერების და ტაბლეტების წარმოება ჩინეთის ნაცვლად ჩრდილოეთ ვიეტნამის პარტნიორ ქარხნებში გააგრძელოს.
HYPERVSN- ჰოლოგრაფიული ტექნოლოგიური კომპანია, სხვადასხვა ინდუსტრიისთვის ახალ ჰოლოგრაფიულ პროდუქტებს ავითარებს
ლონდონში დაფუძნებულმა ჰოლოგრაფიულმა ტექნოლოგიამ COVID19– ის შემდეგ ბიზნესის განვითარება დააჩქარა. მოთხოვნის შესაბამისად, კომპანიამ დააჩქარა ჰოლოგრაფიული პროდუქტების გამოშვება. მათი ტექნოლოგიით შესაძლებელი იქნება ჰოლოგრაფიული ექიმებით, ციფრული პრომოუტერებით, ჰოლოგრაფიული ინფორმაციის ნიშნებით და უკონტაქტო ჰოლოგრაფიული მენიუებით სარგებლობა.
ცოტა ხნის წინ ეს ტექნოლოგია ეგვიპტეში გახსნილ მაღაზიაში IKEA- ს ხელმძღვანელებმა გამოიყენეს. მათ დამსწრეებს ჰოლოგრამების სახით ავეჯის ბუნებრივი ზომები წარუდგინეს. ResearchAndMarkets.com– ის პროგნოზით, 2025 წლისთვის გლობალური ჰოლოგრაფიული ბაზარი 1.8 მილიარდი დოლარი იქნება.
Hanson Robotics 'AI -ის რობოტი სოფია სერიულ წარმოებაში გადავა
რობოტი სოფია მსოფლიომ პირველად 2016 წელს
იხილა. რობოტის რეალისტური სახის გამომეტყველებამ და ხელოვნურმა ინტელექტმა მაშინ ყველას აღფრთოვანება გამოიწვია. პანდემიის შემდეგ “ჰანსონ რობოტიკსმა“ დაინახა, თუ როგორ დაეხმარა მათი გამოგონება ჯანდაცვასა და განათლებას. შედეგად გადაწყდა, რომ სოფიას სერიული წარმოება გაგრძელდება.
“Avacta Group“ კიბოს საწინააღმდეგო პრეპარატზე მუშაობას აჩქარებს
კორონავირუსის საწინააღმდეგო ვაქცინებისა და წამლების დამამუშავებელი ფარმაცევტული კომპანიების დაფინანსება ასევე საშუალებას აძლევს ამავე კომპანიებს სხვა სფეროებშიც წინ წავიდნენ. მაგალითად, ბრიტანულმა Avacta Group-მა 62 მილიონ დოლარიანი პროგრამა დაიწყო, რომელიც კიბოს მკურნალობის შესაძლებლობას დააჩქარებს.
(წყარო - lovemoney.com)
