Apple VS Samsung, Instagram VS TikTok - ყველაზე დიდი ბიზნეს კონკურენტები მსოფლიოში
კონკურენცია ნებისმიერ სფეროში არსებობს.
მაგრამ, როცა ეს ფინანსებსა და ათასობით ადამიანის კეთილდღეობას, კომფორტულ პირობებს ეხება, კონკურენცია განსაკუთრებულ სახეს და მნიშვნელობას იღებს.
წარმოიდგინეთ, რა მასშტაბებზეა საუბარი, როდესაც ორი მსოფლიო მეგა ბრენდი ერთსა და იმავე სფეროში ცდილობს თავის დამკვიდრებას. წარმოგიდგენთ მსოფლიოში ყველაზე დიდ კონკურენტებს.
Apple VS Samsung
ტექნიკის მწარმოებელი 2 გიგანტი უკვე ათწლეულია, რაც ერთმანეთთან სასტიკ კონკურენციაში იმყოფება. როგორც ჩანს, ბრძოლა მალე არ დასრულდება, რადგან სმარტფონებისა და ტაბლეტების მოწყობილობების შესაქმნელად ორივე კომპანია ძალებს არ იშურებს და ყოველწლიურად ახალ ინოვაციებს გვთავაზობენ.
Apple წელს iPhone 13 სერიის გამოსაცემად ემზადება. Samsung-ს კი ბაზარზე Galaxy Z Fold 3 გამოაქვს, რომელიც ისტორიაში არსებული საუკეთესო დასაკეცი სმარტფონით გახდა უკვე ცნობილი.
რაც შეეხება კომპანიების ღირებულებას, Apple გახდა პირველი ამერიკული კომპანია, რომლის ღირებულება $ 2 ტრილიონ დოლარია. ხოლო, Samsung- ის ღირებულება იმავე წელს მხოლოდ 278.7 მილიარდი დოლარი იყო. თუმცა, მობილური ტელეფონების გაყიდვების მხრივ, 2020 წლის მეოთხე კვარტალამდე, Samsung Apple– ს სჯობნიდა.
Marriott-ი Airbnb– ს წინააღმდეგ
Marriott International არის სასტუმროების უდიდესი ქსელი მსოფლიოში, რომელიც ფლობს ცნობილ გლობალურ სასტუმროს ბრენდებს, როგორიცაა Sheraton და Ritz-Carlton. 2019 წლის აპრილში მარიოტმა დაიწყო საკუთარი სახლებისა და ვილების დაქირავების სერვისი 100-ზე მეტ ბაზარზე.
2019 წელს, მხოლოდ ერთ დღეში, Airbnb- ის სასტუმროებში ოთხ მილიონზე მეტი სტუმარი დარჩა. სწორედ ბოლო წლების ტედენციამ აჩვენა Marriott-ს, რომ Airbnb ძალიან გაიზარდა.
მიუხედავად იმისა, რომ COVID-19- ის აფეთქებამ მოგზაურობის ტრადიციული ნიშნები შეცვალა, 2020 წელს Marriott-ის შემოსავლები 800% -ზე მეტით გაიზარდა. Airbnb კი დეკემბრის ბოლოს საფონდო ბირჟაზე გეგმავს გასვლას.
Netflix VS Disney+
გასულ წელს გასართობ სტრიმინგ სერვისებს შორის კონკურენცია გაიზარდა. შეზღუდვებმა ხალხს უფრო მეტი დრო მისცა, რომ სახლში ჯდომისას ფილმებსა და სატელევიზიო შოუებს უყურონ.
უკვე 10 წელია რაც Netflix ყველაზე პოპულარული სტრიმინგის სერვისად მოიაზრება. მას 203,7 მილიონი აბონენტი ჰყავს. თუმცა, Disney + -ის გაახლებულმა ფლაგმანმა, სერიოზული კონკურეცია უკვე გაუწია.
“Disney +“ -მა მიმდინარე წლის მარტში თავისი სპორტული პლატფორმით ESPN + და ჰულუ სააბონენტო მომსახურებით 100 მილიონ აბონენტს გადააჭარბა.
Instagram VS TikTok
Appfigures- ის თანახმად, ვიდეოს გაზიარების აპლიკაცია TikTok 2020 წელს სოციალურ მედიაში ყველაზე ხშირად ჩამოტვირთული აპლიკაცია იყო. მხოლოდ მარტში აპი 115 მილიონჯერ ჩამოტვირთეს. მართალია, ინსტაგრამი დიდი ხანია ითვლება Facebook- ის ახალგაზრდა და ტრენდულ „ბიძაშვილად“, მაგრამ Bytedance- ის საკუთრებაში არსებული TikTok- ის მასიური ზრდა საფრთხეს უქმნის მას.
აგვისტოში ინსტაგრამმა დანერგა Reels- ის ახალი ფუნქცია, რომელიც მომხმარებლებს საშუალებას აძლევს შექმნან და შეცვალონ 15-წამიანი ვიდეოები მუსიკის ფონით. მხოლოდ დრო გვიჩვენებს, ვინ გაიმარჯვებს - Facebook-ის 10 წლის პროტეჟე თუ Bytedance- ის ახალი წევრი.
Amazon-ი Reliance Industries - ის წინააღმდეგ
ელონ მასკი არ არის ერთადერთი მილიარდერი, ვინც „ამაზონის“ დამფუძნებლებთან კონკურენციაშია. „ამაზონის“ წინააღმდეგია ინდოეთის უმდიდრესი ადამიანი, მუკეშ ამბანი, რომელიც შპს Reliance Industries- ს აკონტროლებს.
ორივე კომპანიას აქვს ინტერესები Future Group საცალო ქსელში. „ამაზონი“ ფლობს Future Coupons- ის 49% -ს, რაც მას კომპანიის წილის ირიბ მფლობელობას ანიჭებს, ხოლო Reliance Industries- მა ამ წლის დასაწყისში ჯგუფი 3,4 მილიარდად შეიძინა. „ამაზონი“ გაყიდვას ეწინააღმდეგებოდა და საქმე სასამართლოს გადაეცა.
უკან დახევას არც ერთი არ გეგმავს, რადგან საუბარია საცალო ვაჭრობის ყველაზე დიდ გარიგებაზე, რაც აქამდე ინდოეთს უნახავს. ინდოეთი არის ზრდის უზარმაზარი პოტენციალის მქონე ბაზარი და სავარაუდოდ, სწორედ ამ დავის შედეგი განსაზღვრავს ქვეყნის ელექტრონული კომერციის განვითარებას მომავალ წლებში.
SpaceX Blue Origin -ის წინააღმდეგ
მილიარდერების კოსმოსურ რბოლაში ორი მთავარი მოთამაშე მსოფლიოს ორი უმდიდრესი ადამიანი აღმოჩნდა: ჯეფ ბეზოსი და ელონ მასკი.
კოსმოსური კომპანიები Blue Origin და SpaceX მიზნად კოსმოსური ტურიზმის განვითარებას ისახავენ. სფერო ჯერ ვითარდება, თუმცა სწორედ ამ ეტაპზე არის გადამწყვეტი დომინატი კომპანიის წარმოჩინება, რადგან ძნელი მისახვედრი არ არის, თუ რა მასშტაბებისა და რამდენი ასწლეულის განმავლობაში წარმოებულ ფინანსურ მოგებებზეა საუბარი.
SpaceX– მა თავისი პირველი სამოქალაქო კოსმოსური მისიის Inspiration4 -ის თარიღი უკვე გამოაცხადა. გავრცელებული ინფორმაციით, SpaceX- ის კოსმოსური ხომალდის ბორტზე ოთხი მგზავრი, მათ შორის მილიარდერი ჯარედ ისააკმანი კოსმოსურ მოგზაურობაში 2022 წელს წავა.
ამასთან, BlueOrigin– მა იანვარში წარმატებით დაასრულა საცდელი ფრენა და იმედოვნებს, რომ მალე დაიწყებს დაკომპლექტებულ ფრენებს.
(წყარო - lovemoney.com)
