Boeing მოძველებულ სამგზავრო თვითმფრინავებს სატვირთოდ გადააკეთებს

Boeing გეგმავს, მოძველებული სამგზავრო თვითმფრინავები სატვირთოთ გადააკეთოს. ამ მიზნით კომპანია 737 და 800 მოდელის თვითმფრინავების სიმძლავრეს ზრდის. გადაწყვეტილება ავიაკომპანიამ მას შემდეგ მიიღო, რაც შეკვეთები ელექტრონული კომერციის გიგანტ Amazon-ისგან მიიღო. ამით Boeing-მა მზარდ ელექტრონულ კომერციაზე დადო ფსონი, ხოლო Amazon, თავის მხრივ, Boeing 737-800 თვიმფრინავების შეკვეთით იმ ავიაკომპანიების პარკს ზრდის, რომელიც მის განყოფილება Amazon Air-ს ემსახურება.

გუშინ ჩიკაგოში ბაზირებულმა კომპანიამ გაავრცელა განცხადება, რომ Boeing 737-800 სამგზავრო თვითმფრინავების სატვირთოდ გადასაკეთებლად ორი საწარმოო ხაზის დამატებას აპირებს. მათ ოპერირებას კომპანია Cooperativa Autogestionaria de Servicios Aeroindustriales გაუწევს. ეს კომპანია კოსტა-რიკას დედაქალაქთან არსებულ თავისუფალი ვაჭრობის ზონაში მდებარეობს, რაც მას თვითმფრინავისთვის საჭირო ნაწილების უფასო იმპორტის საშუალებას აძლევს. თუმცა ეს პირველი შემთხვევა არაა და ჩინეთის ქალაქ შანხაიში, გუანჩჟოუში და ცზინანში Boeing-მა ეს თვითმფრინავები სატვირთოდ უკვე გადააწყო.

პანდემიის პერიოდში სატვირთო ავიაგაზიდვები ავიაკომპანიების ნათელ მხარეს წარმოადგენდა. საჰაერო ტრანსპორტის საერთაშორისო ასოციაციის IATA-ს მიერ გავრცელებული ანგარიშის მიხედვით, მარტში მსოფლიოს ავიაკომპანიებმა ტვირთის გადაზიდვები რეკორდულ ნიშნულამდე გაზარდეს.

მოამზადა ლადო სულაბერიძემ