თამარ გაბუნიას განცხადებით, ბიზნეს სექტორის წარმომადგენლების ვაქცინაციის პროცესის გააქტიურება იგეგმება
ჯანდაცვის მინისტრის მოადგილის, თამარ გაბუნიას განცხადებით, ბიზნეს სექტორის წარმომადგენლების ვაქცინაციის პროცესის გააქტიურება იგეგმება. როგორც მან ჟურნალისტებთან საუბრისას განაცხადა, ვაქცინაციის პროცესის გააქტიურება ვაქცინის დოზების მოწოდებაზეა დამოკიდებული.
"ვაქცინაციის გეგმის თანახმად, ბიზნეს სექტორში პრიორიტეტულია ის ჯგუფები, რომლებსაც უწევთ შედარებით დახურულ სივრცეში მუშაობა. ერთ-ერთი შემდეგი ეტაპი იქნება ამ ჯგუფებში ვაქცინაციის გააქტიურება, ასევე ბაზრობებზე, მაღაზიებში, მოლებში დასაქმებულები. ყველაფერი დამოკიდებულია იმაზე, თუ რამდენად სწრაფად მოხდება დამატებითი დოზების მობილიზება, რომ ყველა ჯგუფის მოცვა მოვახერხოთ. მაის-ივნისში მოსალოდნელია დაახლოებით 300 ათასი ადამიანისთვის საკმარისი დოზით ვაქცინაციის გაგრძელება, რაც სერიოზული ნაბიჯი იქნება როგორც ბიზნეს სექტორის, ასევე საჯარო სექტორის მოცვისთვის",- აცხადებს გაბუნია.