საქართველოდან ექსპორტის სახით, 2015-2020 წლებში, 920 კგ ადამიანის სისხლის ექსპორტი განხორციელდა
საქართველოდან ექსპორტის სახით, ბოლო ექვს წელიწადში, 36 789,701 აშშ დოლარის ღირებულების ადამიანის სისხლის ექსპორტი განხორციელდა.
შესაბამისი ინფორმაცია „ინტერპრესნიუსმა“ სტატისტიკის ეროვნული სამსახურიდან გამოითხოვა.
როგორც სააგენტოსთვის, „საქსტატის“ მიერ მოწოდებულ ინფორმაციაშია აღნიშნული, ადამიანის სისხლის ძირითადი ექსპორტიორი ქვეყნებია: გაერთიანებული სამეფო, გერმანია, შვეიცარია, აზერბაიჯანი, ბელგია და უკრაინა.
ამასთან, 2015-2020 წლებში 920,01 კგ ადამიანის სისხლი გავიდა ექსპორტზე, რომელთა ღირებულება ასეთია: 2015 წელს - 12 405,002 აშშ დოლარი; 2016 წელს - 10 604,54 აშშ დოლარი; 2017 წელს - 5 435,627 აშშ დოლარი; 2018 წელს - 5 904,528 აშშ დოლარი; 2019 წელს - 2 420,423 აშშ დოლარი; 2020 წელს - 19,581 აშშ დოლარი.