სემეკი დღეს „თბილისი ენერჯისთვის“ დადგენილი სამომხმარებლო ტარიფის კორექტირებაზე იმსჯელებს
დღეს, საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკი) საჯარო სხდომაზე შპს „თბილისი ენერჯისთვის“ დადგენილი სამომხმარებლო ტარიფის კორექტირებაზე იმსჯელებს.
საჯარო სხდომა 12:00 საათზე დაიწყება.
პანდემიის პრევენციის მიზნით განსახორციელებელი რეგულაციების ფარგლებში, სემეკი სთავაზობს დაინტერესებულ პირებს სხდომაში მონაწილეობა მიიღონ დისტანციურად, შესაბამისი პროგრამის საშუალებით, რომლითაც პირდაპირ რეჟიმში შეეძლებათ სხდომაზე განსახილველი საკითხის მოსმენა, პოზიციის დაფიქსირება ან/და კითხვის დასმა.
შეგახსენებთ, რომ გაზის არსებული სამომხმარებლო ტარიფი, რომელიც „თბილისი ენერჯის” აბონენტებისთვის 46.137 თეთრს შეადგენს, სემეკმა 2019 წლის დეკემბერში დაადგინა. აღნიშნული ტარიფი 2022 წლის დეკემბრის ბოლომდე არ უნდა შეცვლილიყო.