საქართველოს მოსახლეობის 21,3% ანუ 794 ათასზე მეტი ადამიანი უკიდურეს სიღარიბეში ცხოვრობს
საქართველოში 794 ათასზე მეტი ადამიანი უკიდურეს სიღარიბეში ცხოვრობს.
ამის შესახებ სტატისტიკის ეროვნული სამსახურის მიერ გამოქვეყნებული მონაცემებიდან ირკვევა.
კერძოდ, საქსტატის ცნობით, მოსახლეობის 21,3% სიღარიბის აბსოლუტურ ზღვარს ქვევით იმყოფება. ეს კი 794 191 ადამიანია.
ამასთან, როგორც ოფიციალური მონაცემებიდან ირკვევა, უკიდურეს სიღარიბეში მცხოვრებ მოქალაქეთა წილი უფრო მაღალი სოფელშია. კერძოდ, სოფლად მოსახლეობის 27.5%, ხოლო ქალაქში - 17.1% იმყოფება სიღარიბის აბსოლუტურ ზღვარს ქვევით.
