G&T: 2021 წელს საქართველოს ეკონომიკა 7%-ით გაიზრდება

საინვესტიციო კომპანია Galt And Taggart-მა საქართველოს 2021 წლის ეკონომიკური ზრდის პროგნოზი განაახლა, რომლის მიხედვითაც, წელს ჩვენი ქვეყნის ეკონომიკა საშუალოდ 7%-ით გაიზრდება.

წინა პროგნოზის მიხედვით, საქართველოს ეკონომიკა 5%-ით უნდა გაზრდილიყო.

განახლებული პროგნოზი რამდენიმე მნიშვნელოვან ფაქტორსა და დაშვებას ეყრდნობა, მათ შორის:

· ბაზრის გაუმჯობესება ქვეყანაში არსებული პოლიტიკური სტაბილურობის ფონზე

· კორონავირუსის ყოველდღიური ახალი შემთხვევების შემცირება

· სახმელეთო გზის გახსნა, რაც ტურიზმის აღდგენას შეუწყობს ხელს

· ფულადი გზავნილებისა და ექსპორტის ზრდა

· ოქტომბრის არჩევნები, რაც ფისკალურ ხარჯებს გაზრდის

· ვაქცინაციის პროცესი დაჩქარდება ივნისიდან

გარდა ამისა, პროგნოზი განაახლა მთავრობამაც, რომელიც წელს საქართველოს ეკონომიკის 6.5%-იან ზრდას ელის.