კერძო სახლი თუ ბინა კორპუსში
გადაწყვეტილება იმის შესახებ, კერძო სახლი სჯობს თუ კორპუსის ბინაში ცხოვრება, რამდენიმე მნიშვნელოვან ფაქტორზეა დამოკიდებული.
დღეს მაღალსართულიანი კორპუსების ხშირი მშენებლობების ფონზე, მოთხოვნის მკვეთრი ზრდა ფიქსირდება კერძო სახლებზე, ძირითადად თბილისის შემოგარენში. წლებია, იზრდება იმ ადამიანების რიცხვი, რომლებსაც საკუთარ, იზოლირებულ გარემოში, ქალაქის ხმაურისაგან მოშორებით სურთ ცხოვრება.
რა უნდა გაითვალისწინო სახლის აშენების დროს? ადგილმდებარეობა, მიწის ნაკვეთის შერჩევა, არქიტექტურა, დიზაინი, სამშენებლო მასალები, გაყვანილობა, სამშენებლო ნებართვები სახელმწიფო სტრუქტურებიდან და რაც ყველაზე მთავარია, სანდო და პროფესიონალი ადამიანები, სამუშაოების შესასრულებლად.
- უძრავი ქონების პლატფორმაზე - SS.ge, განთავსებული შეთავაზებების მიხედვით, თბილისის შემოგარენში, 500 კვ/მ-დან 1000 კვ/მ-მდე ზომის, არასასოფლო-სამეურნეო დანიშნულების მიწის ნაკვეთის 1 კვ/მ-ის ღირებულება 40 აშშ დოლარიდან - 200 აშშ დოლარამდე მერყეობს.
- არქიტექტურა და დიზაინი შესაძლოა, ყველაზე სასიამოვნო პროცესად ჩაითვალოს სახლის მშენებლობის დროს. გასათვალისწინებელია, რომ მომსახურება საკმაოდ ძვირია.
- თავად უნდა ჩაერთოთ სამშენებლო მასალების ხარჯთაღრიცხვის პროცესში. უნდა მოამზადოთ ადგილი, მათ დასაბინავებლად და გაითვალისწინოთ ტრანსპორტირების ხარჯები.
- ბიუროკრატიულ პროცესებთან და დიდ დროსთან არის დაკავშირებული, საჭირო ნებართვების მიღება სახელმწიფო სტრუქტურებიდან.
- სახლის მშენებლობის დაწყების დროს, ყველაზე დიდი პრობლემები სამუშაო ძალის მოძიებას და მუშაობის ხარისხის შენარჩუნებას უკავშირდება. ხშირ შემთხვევაში, აცდენა არის დაგეგმილ და დასრულებულ თარიღებს შორის. არასწორად შესრულებული სამუშაოების შედეგად, ფუჭად დახარჯულ მასალებთან ერთად, ზარალზე აისახება მოცდენილი დრო, დემონტაჟის დრო, დამატებითი მასალების ტრანსპორტირების ხარჯები და სხვა გაუთვალისწინებელი დეტალი.
გარდა ზემოაღნიშნული საკითხებისა, ბევრ სხვა გაუთვალისწინებელ, არასასიამოვნო დეტალს მოიცავს უშუალოდ მშენებლობის პროცესი და რემონტი. მიუხედავად ყველაფრისა, ადამიანებში არსებობს დიდი სურვილი, რაც გადამწყვეტი ფაქტორია მათთვის, კერძო სახლის ფლობისთვის. მთავარი პრიორიტეტები, რაც კერძო სახლს გააჩნია, არის იზოლირებული ეზო და მყუდრო გარემო. ეზოს მოწესრიგება, ასევე საკმაოდ ნოყიერ ხარჯებს უკავშირდება და საჭიროებს ცალკე, დიზაინურ და არქიტექტურულ ჩარევებს. სასურველი კერძო სახლების პროექტებისა და გეგმარებების ნახვას, მოწესრიგებული და იზოლირებული ეზოთი - House.ge-ზე შეძლებთ.
მოამზადა ლაშა ცაგარეიშვილმა