ვაქცინაციის მსურველთა გასარკვევად შექმნილ ვებ-გვერდზე, ამ ეტაპზე 113 468 პირია დარეგისტრირებული
ჯანდაცვის სამინისტროს მიერ კორონავირუსის ვაქცინაციის მსურველთა გასარკვევად შექმნილ სპეციალურ ვებ-გვერდზე, დღეს, 10:00 საათის მდგომარეობით, 113 468 მსურველია დარეგისტრირებული.
მოქალაქეებს ჩამოთვლილი ვაქცინებიდან მაქსიმუმ სამის არჩევა შეუძლიათ. მონაცემების მიხედვით, დარეგისტრირებულ მოქალაქეთა უმრავლესობას 95 008-ს „ფაიზერით“ ვაქცინაცია სურს.
„მოდერნას“ ვაქცინით აცრის სურვილი 38 498 ადამიანმა გამოთქვა. "სინოფარმით" აცრა 27 578-ს ადამიანს სურს. 21 708 მოქალაქეს „ასტრაზენეკას“ გაკეთება უნდა. 11 436-მა კი „ჯონსონი და ჯონსონი“ აირჩია. 7350 მოქალაქეს „ნოვოვაქსით" აცრა სურს, 4143-ს კი „სინოვაკით“.
როგორც პორტალზეა აღნიშნული, წინასწარი რეგისტრაციის მიზანია ინფორმაციის მიღება COVID -19-ის ვაქცინით აცრის მსურველთა რაოდენობის შესახებ. „ასევე გეძლევათ ვაქცინებს შორის არჩევანის გაკეთების შესაძლებლობა. COVID-19 ვაქცინაციაში მონაწილეობა შეუძლია 18 წელზე უფროს მოსახლეობას“, - აცხადებენ ჯანდაცვის სამინისტროში.