როგორ გამოიმუშავებს მილიონებს Microsoft- ის ყოფილი გენდირექტორი სტარტაპით, რომელიც უძრავ ქონებას უკავშირდება
უძრავი ქონების ამერიკულმა სტარტაპმა Flyhomes– მა პანდემიის პერიოდში გარიგებების მოცულობა რეკორდულად გაზარდა. კომპანია ამ დროისთვის 800 მილიონ დოლარად არის შეფასებული.
სიეტლში დაფუძნებულმა კომპანიამ წარმატებას პანდემიის “საბინაო ცხელების“ დროს მიაღწია. სტარტაპი სახლების მყიდველებს სან ფრანცისკოსა და სიეტლში ფულად უპირატესობას ანიჭებს. გასული წლის მაისიდან Flyhomes– მა თავისი გარიგების მოცულობა 240% –ით გაზარდა.
”ჩვენ ვცდილობთ შევქმნათ მსოფლიოში საუკეთესო გამოცდილება სახლის ყიდვის დროს. დაფინანსების ეს რაუნდი ნამდვილად დაგვეხმარება საქმეების შესრულებაში.” - ამბობს Flyhomes- ის თანადამფუძნებელი და აღმასრულებელი დირექტორი თუშარ გარგი.
სტარტაპმა ხუთი წლის განმავლობაში 2700 კლიენტთან იმუშავა. საკუთარი ფულადი შეთავაზებების პროგრამის საშუალებით, Flyhomes სახლებს თავად ყიდულობს. გაყიდვის შემთხვევაში კი მყიდველს სესხის ასაღებად ერთ თვეს აძლევს. თუ სესხის მიღება შეუძლებელია, Flyhomes იძლევა გარანტიას, რომ იგი სახლს მყიდველის შეთავაზების დანართის გამოყენებით შეიძენს.
2019 წელს Flyhomes– მა დანერგა პროგრამა Buy Before You Sell (იყიდე სანამ გაყიდი). პროგრამის თანახმად, თუ სახლი გაიყიდება საბაზრო ფასზე მაღალზე, მყიდველები მიიღებენ განსხვავებას - განსხვავებით ტრადიციული iBuyers პლატფორმებისაგან.
სტარტაპი იღებს გარიგების საკომისიოს ნახევარს, რომელიც როგორც წესი ბროკერს ყოველთვის გადაეცემა. იგი არ იხდის დამატებით გარანტიას.
Flyhomes არის ერთ – ერთი გამორჩეული უძრავი ქონების IT კომპანია, რომელმაც პანდემიის პირობებში უპრეცედენტო ზრდა განიცადა. დაბალი საპროცენტო განაკვეთები ბევრ ამერიკელს უბიძგებს ქალაქგარეთ გადასახლებაზე.
ინდოელი ემიგრანტი და Microsoft- ის ყოფილი აღმასრულებელი დირექტორი თუშარ გარგი ამბობს, რომ ის ახლა ყურადღებას ზრდაზე ამახვილებს.
თავდაპირველად, სტარტაპს მცირე პრობლემა შეექმნა. პანდემიის დასაწყისში იგი იძულებული გახდა შეეჩერებინა Flyhomes და თანამშრომლები ანაზღაურებად შვებულებაში გაეშვა. თუმცა, მოულოდელმა, სწრაფმა ზრდამ კომპანიას დამატებითი სამუშაო ადგილების შექმნის საშუალებაც კი მისცა. გარგის განცხადებით, პანდემიის დროს, სტარტაპის პერსონალი თითქმის გაორმაგდა და ახლა 400-მდე ადამიანია დასაქმებული.
Flyhomes ახლა ძირითადად დასავლეთ სანაპიროს ბაზრებზე მუშაობს. მათ შორის სიეტლში, სან ფრანცისკოში, ლოს-ანჯელესში, სან-დიეგოსა და პორტლენდში, აგრეთვე ბოსტონის აღმოსავლეთ სანაპიროზე.
