აშშ-მ მზის პანელებისთვის საჭირო კომპონენტების ჩინეთიდან იმპორტი აკრძალა
აშშ-ის ხელისუფლებამ აკრძალა მზის პანელების წარმოებისთვის აუცილებელი საჭირო მასალების ჩინეთიდან იმპორტი, რომელსაც აწარმოებს ჩინური კომპანია Hoshine Silicon Industry. მიზეზი ამ კომპანიაში დადასტურებული იძულებითი შრომის ფაქტებია. ამის შესახებ სააგენტო Reuters წერს.
მანამდე ცნობილი გახდა, რომ ამერიკის ვაჭრობის სამინისტრომ Hoshine Silicon Industry და კიდევ 4 ჩინური კომპანია შავ სიაში შეიყვანა იმ მიზეზით, რომ ისინი იყვნენ დაკავშირებული სინცზიან-უიღურის ავტონომიურ ოლქში „ადამიანის უფლებების დარღვევისა და ბოროტად გამოყენების ფაქტებთან“ და „იძულებითი შრომის ფაქტებთან“. როგორც სააგენტო წერს, ამ კომპანიების ნაწილი აწარმოებს კრისტალურ სილიციუმს, რომელიც გამოიყენება მზის პანელების წარმოებაში. შავ სიაში მყოფ კომპანიებზე, როგორც წესი, მოქმედებს გამკაცრებული საექსპორტო კონტროლი.
Bloomberg წერს, რომ Hoshine Silicon Industry-ის წინააღმდეგ აკრძალვის შესახებ ოფიციალურად დღეს გამოცხადდება.
