Ford-მა ხელმძღვანელი პირის სტატუსი გენდერულ-ნეიტრალური ფორმულირებით შეცვალა
ამერიკულმა ავტომწარმოებელმა, Ford Motor-მა თავის შინაგანაწესში გენდერული ცვლილებები შეიტანა. ახალი გენდერულ-ნეიტრალური ფორმულირებით კომპანია ცდილობს, სამუშაო ატმოსფერო უფრო მეტად ინკლუზიური გახადოს.
Reuters-ის ცნობით, ავტომწარმოებელი თავის შინაგანაწესში ხელმძღვანელის პოსტზე „chairman“ სტატუსის ნაცვლად, „chair“-ს გამოიყენებს.
„ეს მწვავე დებატების ფონზე ხდება, თუ რას ნიშნავს იყო კაცი ან ქალი და რომ კორპორაციული ენა და ინსტიტუტები უფრო ინკლუზიური უნდა გახდეს,“ - წერს Reuters.
წლის დასაწყისში თეთრმა სახლმა თავის შინაგანაწესში გენდერულ-ნეიტრალური ნაცვალსახელები დაამატა, რომელთა არჩევაც ამერიკელებს მთავრობასთან დაკავშირების დროს შეეძლოთ.
გარდა ამისა, პროფესიულმა სოციალურმა ქსელმა LinkedIn-მა გაავრცელა განცხადება, რომ გარკვეულ ქვეყნებში მომხმარებლებს საშუალებას მისცემს, თავიანთ აქაუნტებში სასურველი გენდერული ნაცვალსახელები გამოიყენონ.
მოამზადა ლადო სულაბერიძემ