კეთილი იყოს თქვენი მობრძანება ცუკერვილში! – როგორი იქნება ქალაქი, რომელსაც Facebook სილიკონის ველის შტაბ-ბინასთან აშენებს

Willow Park- ის ახალი ქალაქის მშენებლობის გეგმების უკან Facebook და Signature განვითარების ჯგუფი დგანან.

კალიფორნიაში, Facebook- ის შტაბ-ბინასთან, მენლო პარკში 59 ჰექტარზე, სადაც ახლა ერთჯერადი სამრეწველო და სასაწყობო კომპლექსი მდებარეობს, ულტრათანამედროვე ქალაქის გაშენება იგეგმება. წინასწარი გეგმის მიხედვით ქალაქში იქნება 1 729 სახლი. მათ შორის, 320-მდე იაფფასიანი და 120-მდე მოხუცთათვის.

ქალაქში ასევე იქნება სუპერმარკეტები, აფთიაქი, კაფეები, რესტორნები და სასტუმრო 193 ნომრით.

Facebook ასევე გეგმავს გამოყოს 1,25 მილიონი კვადრატული მეტრი ახალი ოფისი, საკონფერენციო დარბაზის და სოციალური მედიის კომპანიებისთვის.

Facebook -ის ზოგიერთ თანამშრომელს, თუკი იქ აირჩევს ცხოვრებას, ქალაქის დატოვება იშვიათ შემთხვევებში მოუწევს.

ქალაქი აშენდება Belle Haven- სა და აღმოსავლეთ Palo Alto- ს შორის, მჭიდროდ დასახლებული ესპანური რეგიონი.

ქალაქის მოედნიდან განცალკევებით იქნება ოთხ ჰექტარზე გაშენებული საზოგადოებრივი პარკი, ორი ჰექტარი შემაღლებული პარკი, ნიუ-იორკის ჰაილაინის მსგავსი და სხვა საზოგადოებრივი გარე სივრცეები.

ახალი საოფისე ფართი Facebook-ს საშუალებას მისცემს გაფართოვდეს და აიყვანოს დაახლოებით 3,400 ახალი თანამშრომელი.

(წყარო - dailymail.co.uk)