როგორ მოიპოვა Reddit– ის ყოფილმა აღმასრულებელმა დირექტორმა 30 მილიონი ტყეების აღდგენისა და კლიმატურ ცვლილებებთან საბრძოლველად

კაცმა, ვინც PayPal- ისა და Facebook- ის ერთ-ერთი პირველი თანამშრომელი და ორნახევარი წლის განმავლობაში აღმასრულებელი დირექტორი იყო, კომპანია Reddit ინტერნეტ-გიგანტად აქცია.

თავდაპირველად ვონი ეკოლოგიურ პრობლემებზე დიდად არც ფიქრობდა. თუმცა დროთა განმავლობაში მან პირობა დადო, რომ გლობალურ დათბობასთან ბრძოლაში თავის წვლილს შეიტანდა.

ოთხი წლის შემდეგ, ვონი სტარტაპ Terraformation- ის დამფუძნებელი და აღმასრულებელი დირექტორი გახდა. წამოწყება კომპანიებსა და ქვეყნებს ტყის განაშენიანების გზით ნახშირბადის კვალის შემცირებაში ეხმარება.

უკანასკნელი მონაცემებით კომპანიამ, რომლის სათაო ოფისი ჰავაიში მდებარეობს, ახლახან 30 მილიონი დოლარი დაფინანსების რაუნდი წამოიწყო, რათა ისეთი ტექნოლოგიების გამოყენებით, როგორიცაა მზის ენერგიის გამოყენებით ნიადაგის დემინერალიზაცია, 1,2 მილიარდი ჰექტარი ბუნებრივი ეკოსისტემების აღდგენას დაეხმაროს. ამ ტექნოლოგიას შეუძლია ეფექტურად და იაფად აღადგინოს ის ადგილები, რომლებიც კლიმატის ცვლილების ან ადამიანის საქმიანობით გამოწვეული ნიადაგის განადგურების გამო გაუდაბურდნენ.

ციურიხის პრესტიჟული უმაღლესი ტექნიკური ლაბორატორიის მიერ 2019 წელს ჩატარებული კვლევის შედეგად, ვონმა ტერაფორმაციის დაწყებისთვის საჭირო დადასტურება მიიღო. მკვლევარებმა დაადგინეს, რომ ემისიების შემცირებისა და კლიმატის ცვლილებებთან საბრძოლველად ყველაზე ეფექტური და იაფი გზა ფართომასშტაბიანი ხეების დარგვაა. იმავე წელს ვონის ოჯახი საცხოვრებლად ჰავაიში გადავიდა და მათ ტყეების განახლების საპილოტე პროექტი დაიწყეს.

”როდესაც პროექტი დავიწყეთ, ყველა ადგილობრივმა ბოტანიკოსმა თქვა, რომ ეს შეუძლებელი იქნებოდა“- იხსენებს ვონი.

მშრალი მიწისთვის საჭირო წყლის მისაცემად, Terraformation– მა 100% -იანი მზის ენერგიაზე მომუშავე დეზოლირების სისტემა ააშენა, რომელიც დღეში 130 000 ლიტრ წყალს აწარმოებს. ექვსი თვის განმავლობაში Terraformation– მა დარგო რამდენიმე ათასი ხე, მათ შორის, არაერთი იშვიათი და გადაშენების პირას მყოფი სახეობა. მათი მტკიცებით, აღდგენითი პროცესი ხუთჯერ უფრო სწრაფია, ვიდრე ჩვეულებრივად ხდება ხოლმე.

”ეს არის ის, რასაც ტექნოლოგიის უნიკალურ მიღწევად მივიჩნევთ“ -ამბობს ვონი.

თავდაპირველად, როდესაც ვონიმ დასაფინანსებლად ინვესტორებს მიმართა, ”PowerPoint“ - ში გაკეთებული პრეზენტაციაც კი არ ჰქონდა მზად.

“დავწერე სტატია, რომელშიც პროფესიონალური თვალსაზრისით ჩამოვაყალიბე გეგმა და რაღაც დავთვალე ”, - იხსენებს ვონი. თუმცა ეს 5 მილიონი დოლარის მოსაზიდად და ბიზნესის დასაწყებად საკმარისი აღმოჩნდა.

თავდაპირველად ის 20 მილიონი დოლარის შეგროვებას ისახავდა მიზნად, მაგრამ საბოლოოდ 30 მილიონი დოლარი მოაგროვა რაუნდში, რომელსაც “აპოლო პროექტების“ სემ და მაქს ალტმენები უძღვებოდნენ.

Terraformation იღებს ვალდებულებას მოიპოვოს შემოსავალი და კომპანიებს ეკოლოგიის გაუმჯობესების მიზნით ახალი ტექნოლოგიის, პროექტის დაგეგმვის, ტრენინგისა და კონსულტაციებში. კომპანია აცხადებს, რომ ამ დრომდე თანამშრომლობს უგანდას, ტანზანიის, ეკვადორისა და ჰაიტის ადგილობრივ ორგანიზაციებთან, საერთო ჯამში, 8100 ჰექტარის რეაბილიტაციის მიზნით.

(წყარო - Forbes.com)