მსოფლიო სავალუტო ფონდი გლობალური ეკონომიკის აღდგენისთვის რეკორდულ 650 მილიარდ დოლარს გამოყოფს
საერთაშორისო სავალუტო ფონდმა ორშაბათს მხარი დაუჭირა 650 მილიარდი დოლარის სპეციალური დახმარების SDR გამოყოფას, გლობალური ეკონომიკის აღდგენისთვის, რომელიც კორონავირუსის პანდემიამ გამოიწვია.
„ეს არის ისტორიული გადაწყვეტილება მსოფლიოს სავალუტო ფონდისთვის SDR-ის გაცემაზე, რომელიც უნდა მოხმარდეს პანდემიით გამოწვეულ უპრეცედენტო კრიზისს. SDR-ის გაცემა სარგებელს მოუტანს ყველა წევრ ქვეყანას, გაზრდის რეზერვებში მოთხოვნის გრძელვადიანად დაკმაყოფილების საშუალებას, გაამყარებს ნდობას და ხელს შეუწყობს მსოფლიო ეკონომიკის მდგრადობას და სტაბილურობას",- განაცხადა მსოფლიო სავალუტო ფონდის დირექტორმა კრისტალინა გეორგიევამ.
გადაწყვეტილება სახსრების განაწილების შესახებ ძალაში 2021 წლის 23 აგვისტოს შევა.
ახლად შემქნილი SDR-ები სავალუტო ფონდის წევრებს შორის პროპორციულად და ფონდში კვოტების შესაბამისად გადანაწილდება. დაახლოებით, 275 მილიარდი გამოიყოფა ფორმირებადი ბაზრებისთვის და განვითარებადი ქვეყნებისთვის. გეორგიევა მოუწოდებს მდიდარ ქვეყნებს გადაამისამართონ SDR-ი უფრო ღარიბი ქვეყნებისა და მოწყვლადი ეკონომიკების მიმართულებით.
