საგამოცდო პრაქტიკული მოედნის განახლების გამო, 7-დან 15 აგვისტოს ჩათვლით, მხოლოდ „B”კატეგორიის პრაქტიკული გამოცდის ჩაბარებაა შესაძლებელი

რუსთავის ცენტრალურ დეპარტამენტში საგამოცდო პრაქტიკული მოედნის განახლების გამო, 7 აგვისტოდან 15 აგვისტოს ჩათვლით, მხოლოდ „B” კატეგორიის პრაქტიკული გამოცდის ჩაბარება იქნება შესაძლებელი. ამის შესახებ ინფორმაციას შინაგან საქმეთა სამინისტროს მომსახურების სააგენტო ავრცელებს.

„შინაგან საქმეთა სამინისტროს მომსახურების სააგენტო გაცნობებთ, რომ რუსთავის ცენტრალურ დეპარტამენტში საგამოცდო პრაქტიკული მოედნის განახლება იგეგმება, რის გამოც 7 აგვისტოდან 15 აგვისტოს ჩათვლით შესაძლებელი იქნება მხოლოდ „B” კატეგორიის პრაქტიკული გამოცდის ჩაბარება, ხოლო სხვა დანარჩენი კატეგორიის/ქვეკატეგორიის პრაქტიკული გამოცდის მიღება დროებით შეჩერდება”, - ნათქვამია შინაგან საქმეთა სამინისტროს მომსახურების სააგენტო მიერ გავრცელებულ განცხადებაში.