ჩინეთთან ექსპორტ-იმპორტი გაიზარდა - პროდუქტები, რასაც ყველაზე დიდი მოცულობით ვყიდით და ვყიდულობთ აღნიშნულ ქვეყანაში
მიმდინარე წელს, გასულ წელთან შედარებით, ჩინეთთან ექსპორტ-იმპორტის მაჩვენებლები გაიზარდა. საქსტატის მონაცემებით, 2020 წლის იანვარ-ივლისში საქართველომ ჩინეთის მიმართულებით 249,2 მლნ აშშ დოლარის პროდუქცია გაიტანა, 2021 წლის ანალოგიურ პერიოდში კი - 370,5 მლნ შშ დოლარის.
რაც შეეხება იმპორტს, 2020 წლის 7 თვეში ქვეყანამ ჩინეთისგან 379,3 მლნ აშშ დოლარის პროდუქტი შეიძინა, ხოლო 2021 წლის ანალოგიურ პერიოდში - 459,4 მლნ აშშ დოლარის.
„ბიზნესპრესნუსი“ გთავაზობთ ტოპ-10 პროდუქტს, რასაც ყველაზე დიდი მოცულობით ვყიდით და ვყიდულობთ ჩინეთში.
2021 წლის 7 თვეში ექსპორტირებული ტოპ-10 პროდუქტის ჩამონათვალი ასეთია:
- მადნები და კონცენტრატები სპილენძის - 305 მლნ აშშ დოლარი
- მადნები და კონცენტრატები ძვირფასი ლითონების - 26,4 მლნ აშშ დოლარი
- მედიცინაში ან ვეტერინარიაში გამოსაყენებელი ხელსაწყოები და მოწყობილობები - 11, 5 მლნ აშშ დოლარი
- ყურძნის ნატურალური ღვინოები - 8, 5 მლნ აშშ დოლარი
- დაუმუშავებელი ალუმინი - 5,6 მლნ აშშ დოლარი
- სპილენძის ნარჩენები და ჯართი - 3, 1 მლნ აშშ დოლარი
- კოჭა, ზაფრანა, ურცი, დაფნის ფოთოლი, კარი და სხვა სანელებლები - 2,0 მლნ აშშ დოლარი
- ორთოპედიული სამარჯვები; სხეულის ხელოვნური ნაწილები - 1,9 მლნ აშშ დოლარი
- ცენტრალური გათბობის ქვაბები - 1,9 მლნ აშშ დოლარი
- არადენატურირებული ეთილის სპირტი, სპირტის კონცენტრაციით 80 მოც.%-ზე ნაკლები, სპირტიანი სასმელები- 1,3 მლნ აშშ დოლარი
2021 წლის იანვარ-ივლისში საქართველომ ჩინეთისგან ყველაზე დიდი რაოდენობით შეიძინა:
- სხვა მანქანები და მექანიზმები გადაადგილების, ამოთხრის ან გაბურღვისათვის - 41,7 მლნ აშშ დოლარი
- ადამიანის ან ცხოველების სისხლი, სამედიცინო მიზნებისათვის; იმუნური შრატები - 24, 2 მლნ აშშ დოლარი
- ნახშირბადიანი ფოლადის ბრტყელი ნაგლინი, სიგანით 600 მმ ან მეტი -17,7 მლნ აშშ დოლარი
- ახალი რეზინის პნევმატური სალტეები და საბურავები - 15,7 მლნ შშ დოლარი
- გამომთვლელი მანქანები და მათი ბლოკები - 11,4 მლნ აშშ დოლარი
- პოლიაცეტალები, პოლიეთერები მარტივი სხვა და ეპოქსიდის ფისები პირველადი ფორმებით - 9,6 მლნ აშშ დოლარი
- მოწყობილობები ჰაერის კონდიცირებისათვის - 9,6 მლნ აშშ დოლარი
- ნათურები და გამანათებელი მოწყობილობები -7 მლნ აშშ დოლარი
- სხვა სახის რეზინის ან პოლიმერული მასალის ფეხსაცმელი - 6,5 მლნ აშშ დოლარი
- სათამაშოები სხვა; მოდელები შემცირებული ზომის და ანალოგიური მოდელები; თავსატეხები - 6,4 მლნ აშშ დოლარი
