სად ღირს უძრავი ქონება ყველაზე ძვირი - 8 ქვეყანა, სადაც ბინის შეძენას მხოლოდ მილიონერები ახერხებენ

გიფიქრიათ სხვა ქვეყანაში სახლის ყიდვაზე? ალბათ, ბევრჯერ. მოყვარული მოგზაურისთვის სხვადასხვა ქვეყნებში სახლების ყიდვა ერთ-ერთი სანუკვარი ოცნებაა. თუმცა ცოტას თუ აქვს ამის განხორციელების ფუფუნება.

რაც არ უნდა იყოს, არის ქვეყნები, სადაც უძრავი ქონება საოცრად იაფი ღირს, თუმცა არის ისეთი ადგილები, სადაც სახლისა თუ ბინის შეძენა მართლაც, მხოლოდ მილიონერების ხვედრია.

წარმოგიდგენთ ყველაზე ძვირადღირებულ ქვეყნებს სახლის შესაძენად.

ავსტრალია

შესანიშნავი ამინდის, მრავალფეროვანი კულტურის, კეთილმოწყობილი ინფრასტურქტურისა და კარგი სამუშაო პირობების გამო, სიდნეიში ცხოვრებაზე ბევრი ოცნებობს. კვადრატული მეტრის ფასი ქალაქში 7,250 აშშ დოლარიდან იწყება. ეს დიდი თანხა მათთვის, ვინც მხოლოდ ერთ სახლში ცხოვრობს, თუმცა ეს არ არის ცუდი გარიგება სუპერ მდიდარი ადამიანებისთვის.

ავსტრალიას აქვს ურბანული შეკავების პოლიტიკა, რომელიც ხელს უშლის ქალაქების გაფართოებას, მაგრამ მოუწოდებს დეველოპერებს ქალაქში მჭიდრო განაშენიანება განახორციელონ.

იაპონია

იაპონიის დედაქალაქში, ტოკიოში ბევრი სუპერ მდიდარი ადამიანი ცხოვრობს. მიწის შეზღუდული ფართობისა და ცხოვრების მაღალი ღირებულების გათვალისწინებით, ერთ კვადრატულ მეტრზე ცხოვრება მსურველს 16,000 დოლარი უჯდება.

ზოგიერთი სფეროს წარმომადგენლის აზრით, კარტელმა და კორუფციამ უძრავი ქონების მაღალშემოსავლიან ბაზარზე მნიშვნელოვანი როლი ითამაშა. როგორც ბიზნესისა და ფინანსების წამყვანი ცენტრი, ლოგიკურია, რომ ბევრ ბიზნეს ლიდერს სურს ამ ყველაფრის შუაგულში ყოფნა. სამწუხაროდ, ქალაქი მიწისძვრის მსხვერპლი გახდა და თავისი ისტორიული მნიშვნელობა დაკარგა.

შეერთებული შტატები

თუ გავითვალისწინებთ ამერიკაში მცხოვრები მდიდარი და ცნობილი ვარსკვლავების რაოდენობას, რომლებიც სახლებს როგორც აღმოსავლეთ, ასევე დასავლეთ სანაპიროებზე ფლობენ, ქონების ფასი ამ რეგიონში მკვეთრად გაიზარდა.

განსაკუთრებით მაღალია ფასები ნიუ -იორკში. ქონების მცირე ნაკვეთს შეუძლია ერთ კვადრატულ მეტრზე 17,000 დოლარი გამოიმუშაოს. ბევრმა ქალაქში ბინა დატოვა, რომ გააქირავოს და თავად საცხოვრებლად გარეუბანში გადავიდა.

ჩინეთი

ჰონგ-კონგის მდიდრული სამეზობლო Repulse Bay გამორჩეული ადგილია. ქვეყანაში, სადაც მოსახლეობის ყველაზე მაღალი სიმჭიდროვეა, უძრავი ქონების ღირებულებაა კვადრატულ მეტრზე 25,550 დოლარს შეადგენს. ადგილი ცნობილია თავისი საგადასახადო ეკონომიკური სტრუქტურით. 120 კვადრატული მეტრის ბინის ქირაობა თვეში 7000 დოლარზე მეტი ღირს.

შვეიცარია

გსმენიათ მეგა მდიდრების შესახებ, რომლებსაც საბანკო ანგარიში შვეიცარიაში აქვთ? ბევრს სურს იცხოვროს ამ დიდ საბანკო ანგარიშებთან ახლოს. საერთო ჯამში, ქვეყანა არის ერთ-ერთი ყველაზე სტაბილური ევროპაში.

მდიდრული ქონება მოიცავს აღდგენილ ისტორიულ სასახლეებს, მიმზიდველ საცხოვრებელს მათთვის, ვინც ეძებს უამრავ კომფორტს. კვადრატული მეტრის ფასი დაახლოებით, 29,000 აშშ დოლარია. ქვეყანას აქვს ყველაფერი კულტურული საგანძურიდან ფინანსური უზრუნველყოფის ჩათვლით.

სინგაპური

მყიდველებს უყვართ მშვიდი, ულამაზესი პეიზაჟები და ერთი შეხედვით, დაცული სინგაპურის კუნძულები. ყველაზე ძვირადღირებული ტერიტორია მდებარეობს მარინას ყურის სანაპიროზე. საერთაშორისოდ აღიარებული Marina Bay Sands Hotel იზიდავს ტურისტებს და მყიდველებს ჩვეულებრივ შეუძლიათ კვადრატულ მეტრზე 30,500 დოლარი გადაიხადონ. საშუალო ფართობის ბინა შეიძლება, თვეში 3,500 დოლარი დაჯდეს.

ინგლისი

ლონდონი და მთლიანად ინგლისი სავსეა ისტორიით. აქ დაფუძნებულია მრავალი კომპანია მთელი მსოფლიოდან და ქალაქი იზიდავს ცნობილ ადამიანებს.

Money Inc.- ის თანახმად, უძრავი ქონების კვადრატული მეტრის ფასი დაახლოებით, 34,531 აშშ დოლარია. იმის მიუხედავად, რომ უძრავ ქონებაზე მოთხოვნა მაღალია.

საფრანგეთი

მსოფლიოში ყველაზე ძვირადღირებული უძრავი ქონება მდებარეობს მონაკოში. უძრავი ქონების კვადრატული მეტრის ღირებულება 60 114 დოლარიდან იწყება.

პატარა სახელმწიფო იმდენად მჭიდროდ არის დასახლებული, რომ სახლის პოვნა უკიდურესად იშვიათ შემთხვევაში არის შესაძლებელი. მას "მილიონერთა ქვეყანას" უწოდებენ. ცოტა ხნის წინ, Sky Penthouse 400 მილიონ დოლარად გასაყიდად გამოიცა.

წყარო: therichest.com