სამეზობლოში უმუშევრობის ერთ-ერთი ყველაზე მაღალი დონე საქართველოშია

ეკონომიკის „დუღილის“ ფონზე საქართველოში უმუშევრობის ამჩვენებელი ისევ მაღალ ნიშნულზეა. ოფოციალური სტატისტიკის მიხედვით, მიმდინარე წლის მეორე კვარტალში საქართველოში უმუშევრობის მაჩვენებელი გაიზარდა და 22.1% შეადგინა. იმ ფაქტს თუ გავითვალისწინებთ, რომ გლობალურად უმუშევრობის ბუნებრივ დონედ დაახლოებით 3% ითვლება, მაშინ შეგვიძლია ვთქვათ, რომ სურათი მძიმეა.

აქვე ხაზგასასმელია, რომ მიმდინარე წელს სამეზობლოში უმუშევრობის ყველაზე მაღალი დონე სწორედ საქართველოში ფიქსირდება. მაგალითად, მიმდინარე წლის მეორე კვარტალის ბოლოს თურქეთში უმუშევრობის დონემ 12% შეადგინა. მეორე კვარტლის ბოლოს უმუშევრობის 4.5%-იანი მატება დაფიქსირდა რუსეთში.

რაც შეეხება სომხეთს, სამწუხაროდ, მეორე კვარტლის მონაცემები ჯერ უცნობია, თუმცა უნდა აღინიშნოს, რომ პირველ კვარტალში სომხეთში უმუშევრობის მაჩვენებელი 17% იყო, მაშინ როცა იანვარ-მარტში საქართველოში ეს მაჩვენებელი 21.9%-ს აღწევდა.

რაც შეეხება აზერბაიჯანს, სამწუხაროდ ზუსტი მონაცემები ჯერ არ გამოქვეყნებულა, თუმცა ანალიტიკოსების მიიჩნევენ, რომ მიმდინარე წელს აზერბაიჯანში უმუშევრობის დონე მხოლოდ და მხოლოდ 6.1% იქნება.

ამ თემასთან დაკავშირებით ასევე კომენტარი გააკეთა სავალუტო ფონდმა, სადაც აღნიშნულია, რომ საქართველოს, რეგიონის მასშტაბით, ერთ-ერთი ყველაზე მაღალი უმუშევრობა აქვს.