რა შემთხვევაში დაიშვებიან სამედიცინოს სტუდენტები პაციენტებთან
მთავრობამ „იზოლაციისა და კარანტინის წესების დამტკიცების შესახებ“ დადგენილებაში მორიგი ცვლილებები შეიტანა. ერთ-ერთი პუნქტის მიხედვით, ჯანდაცვის მიმართულების იმ საგანმანათლებლო პროგრამებზე, რომელთა სასწავლო კომპონენტი ითვალისწინებს პაციენტთან კონტაქტს, კლინიკური სწავლების არადისტანციურ რეჟიმში განხორციელებისას პერსონალი და სტუდენტი დაიშვება მხოლოდ იმ შემთხვევაში, თუ აკმაყოფილებს ერთ-ერთ შემდეგ პირობას:
- სრულად ვაქცინირებულია;
- უზრუნველყოფს უარყოფითი PCR ტესტის წარდგენას კვირაში ერთხელ;
- ახალი კორონავირუსის (COVID-19) ლაბორატორიულად დადასტურებიდან ორი კვირის შემდეგ არ არის გასული 6 თვეზე მეტი
დადგენილება ძალაში 4 ოქტომბრიდან შედის.