ათასწლეულის მილიონერი - როგორ გამოიმუშავებს გრეჰემ სტეფანი YouTube-დან 6 მილიონ დოლარს წელიწადში

ბუნებით თავმდაბალმა და კონსერვატიულმა მხარჯველმა, სტეფანმა, სტუდია გაზარდა.

უზარმაზარი 310 გალონიანი აკვარიუმის ასაშენებლად 45,000 დოლარი დახარჯა. იყიდა 3,900 კვადრატული ფუტიანი სახლი ლას -ვეგასში და ეს სახლი 100,000 დოლარზე მეტი ღირებულების ავეჯით შეავსო. ეს ყველაფერი სტეფანისთვის ახალი ცხოვრების დასაწყისი აღმოჩნდა.

ფინანსები მისი წარმატების ნაწილია. მისი YouTube ვიდეოების უმეტესობა ეხება ისეთ თემებს, როგორიცაა საბინაო ბაზარი, კრიპტოვალუტა და აქციები.

YouTube - სრულ განაკვეთზე სამუშაო

სტეფანმა თავისი უძრავი ქონების კარიერა ოპენჰაიმ ჯგუფის აგენტად დაიწყო, მაგრამ მალე ახალი პრიორიტეტები აღმოაჩნდა. მან შენიშნა, რომ თავისი დროის და ენერგიის მხოლოდ 20% -ს ხარჯავს უძრავ ქონებაზე, ხოლო დანარჩენი 80% YouTube-ზე იხარჯებოდა. დაარედაქტირა ვიდეოები, გამოიკვლია ახალი თემები, გამოავლინა უახლესი ფინანსური ტენდენციები და ხრიკები, რათა თავისი მიმდევრებისთვის გაეზიარებინა.

სტეფანმა მალევე გააცნობიერა, რომ YouTube- ის არხის მეშვეობით მეტი ფულის გამომუშავება შეეძლო, ვიდრე როგორც შტატის აგენტს. როდესაც თავის არხზე დაახლოებით 1.5 მილიონი გამომწერი მოიპოვა, დატოვა სამსახური და YouTube-ზე, სრულ განაკვეთზე დაიწყო მუშაობა.

ამ ბანალური კარიერის განვითარების შემდეგ, რომელიც ძალიან დიდ ძალისხმევას მოითხოვს, წლის ბოლოსთვის სტეფანმა მხოლოდ YouTube– ის რეკლამების გაყიდვიდან დაახლოებით 1 მილიონი დოლარი გამოიმუშავა.

ცოტა ხანში, პერმანენტულად კვირაში 3-4 ჯერ ვიდეოeბის გამოქვეყნების გამო, სტეფანი კიდევ უფრო პოპულარული გახდა. 2019 წლისთვის მას ზოგიერთ ვიდეოებზე 7 მილიონზე მეტი ნახვა ჰქონდა. უფრო მეტი, ვიდრე America's Got Talent ფინალს 2021 წელს. შემდეგ სტეფანი CNBC– ის “ათასწლეულის მილიონერის“ პროექტში გამოჩნდა, რამაც კიდევ უფრო მეტი გამომწერი და ნახვა შესძინა.

26 წლის სტეფანი უკვე მილიონერი გახდა. 2021 წელს კი ოფიციალურად განაცხადა, რომ მისი სხვადასხვა არხების მხოლოდ რეკლამებიდან წელიწადში 1,42 მილიონ დოლარს გამოიმუშავებდა.

რა ხდება კულისებში

თანმიმდევრული შინაარსის შექმნა და გრაფიკის დაცვა აუცილებელია.

სტეფანი კომპიუტერთან დღეში თითქმის ათი საათის განმავლობაში მუშაობდა. იკვლევდა ბაზრებს, გეგმავდა იდეებს და ამუშავებდა ვიდეო შინაარსს. მიუხედავად იმისა, რომ ეს ყველაფერი მხოლოდ მან დაიწყო, სწრაფად გააცნობიერა, რომ ბიზნესის გასაგრძელებლად გუნდი სჭირდებოდა.

გრეჰემმა დაიქირავა ვიდეო რედაქტორი, რომელიც მასთან ერთად სრულ განაკვეთზე ცხოვრობს და კონტენტ რედაქტორი. სამივე სტეფანის ყველა YouTube არხს და სოციალურ მედიაში ანგარიშებს აწარმოებს.

მიუხედავად იმისა, რომ ახალგაზრდა მილიონერი მისი დროის უდიდეს ნაწილს კვლავ YouTube- ს უთმობს, მან გამომუშავებული ფულის სხვადასხვა წყაროებში დაბანდების გზებს უკვე მიაგნო.

მიუხედავად იმისა, რომ სტეფანის წმინდა ქონება თითქმის 15.5 მილიონი დოლარია, იგი მოკრძალებულად ცხოვრებას ამჯობინებს.

მილიონების მართვა

CNBC– სთვის მიცემულ ინტერვიუში სტეფანმა შეადგინა თავისი ხარჯების სია. მისი ყოველთვიური შემოსავლის უმეტესი ნაწილი ლას ვეგასის სახლის იპოთეკის დაფარვაში მიდის. 1,4 მილიონი დოლარის ღირებულების 3,900 კვადრატული ფუტი ქონება მას საშუალოდ 6,448 დოლარი უჯდება. მათ შორის იპოთეკური სესხი, ქონების გადასახადი და სახლის მესაკუთრეთა ასოციაციის საფასური. ეს არ მოიცავს სტეფანის კომუნალურ გადასახადებს, რომელიც მოითხოვს დამატებით 570 აშშ დოლარს თვეში გაზის, ელექტროენერგიისა და ინტერნეტისთვის. სტეფანის შემდეგი ყველაზე დიდი ხარჯი არის საკვები, რომელიც თვეში 820 დოლარია. ამაში შედის რესტორნის ხარჯები და გუნდური სადილები და ა.შ.

შემოსავლიდან თვეში დაახლოებით 632 დოლარი მიდის ტესლას გადასახდელად. სტეფანის წარსულთან შედარებით ფასი მაღალია. მისი ყველაზე პოპულარული ვიდეო YouTube-ზე დღემდე, სტეფანის მიერ პირველი Tesla- ს შესყიდვაა, რომელიც თვეში მხოლოდ 78 დოლარი დაუჯდა.

თვეში 446 დოლარი მიდის მის რეკრეაციულ საქმიანობაზე, მათ შორის აუზების ტექნოლოგიაზე, სახლის დასუფთავებაზე და საკრედიტო ბარათის დამატებით საფასურზე. ერთ-ერთი მაღალი ყოველთვიური ხარჯია ასევე დაზღვევა - 437 აშშ დოლარი, რაც მოიცავს როგორც ჯანმრთელობის, ასევე მანქანის დაზღვევასაც.

ტელეფონის გადასახადი თვეში მხოლოდ 50 დოლარია, სააბონენტო მომსახურება კი 20 დოლარი თვეში, რაშიც Spotify და Amazon Prime შედის. სტეფანმა შეაფასა, რომ ის თვეში დაახლოებით 400,000 დოლარს ზოგავს, აქედან 60% ინვესტიციებზე მოდის, ხოლო დანარჩენი 40% საგულდაგულოდ ირიცხება მაღალი პროცენტის შემნახველ ანგარიშზე.

სანამ ახალგაზრდა ინფლუენსერი ფულის დაზოგვას აგრძელებს, მისი შინაარსი და YouTube ვირტუალობა იზრდება. ვიდეოები დღეში საშუალოდ რამდენიმე ასეული ათასი ნახვით იხილება და მისი YouTube გამომწერები ახლა 3.41 მილიონს აღწევს. ამაში არ შედის დამატებით 400,000 Instagram მიმდევარი.

სტეფანმა ასევე დააფუძნა საკუთარი ყავის კომპანია - Bank Roll Coffee, რომელიც რეკლამირებულია მის ყველა სოციალურ მედიაში.

თანხის დაზოგვის თანმიმდევრული გეგმისა და მზარდი პოპულარობის გამო, გასაკვირი არ არის, რომ სტეფანი შეძლებს YouTube ინფლუენსერიდან სრულფასოვან ახალგაზრდა მეწარმედ იქცეს.